ന്യൂഡല്‍ഹി: പുല്‍വാമ ഭീകരാക്രമണത്തില്‍ വീരമൃത്യു വരിച്ച സൈനികന്റെ വിലാപയാത്രയെ ബിജെപി എംപി റോഡ് ഷോയാക്കി മാറ്റിയെന്ന് ആരോപണം. ബിജെപിയുടെ തെരഞ്ഞെടുപ്പ് റോഡ് ഷോയെ പോലെ വിലാപയാത്രയെ കാണുകയും, എംപി  തന്റെ സ്ഥാനത്തിനനുസരിച്ച് പെരുമാറിയില്ലെന്നുമാണ് ആരോപണം.

ബിജെപി എംപിയായ സാക്ഷി മഹാരാജിന്റെ പെരുമാറ്റത്തിനെതിരെയാണ് പ്രതിഷേധമുയര്‍ന്നിരിക്കുന്നത്. വിലാപയാത്രയെ പ്രതീക്ഷിച്ചു നില്‍ക്കുന്നവര്‍ക്ക് നേരെ സ്ഥാനാര്‍ത്ഥിയെ പോലെ കൈവീശിക്കാണിക്കുകയായിരുന്നു സാക്ഷി മഹാരാജന്നാണ് ആരോപണം

ബിജെപി ഡല്‍ഹി സംസ്ഥാന അദ്ധ്യക്ഷന്‍ മനോജ് തിവാരി ഭീകരാക്രമണം ഉണ്ടായതിന് മണിക്കൂറുകള്‍ പിന്നിടുന്നതിന് മുമ്പ് തന്നെ സ്വകാര്യ പരിപാടിയില്‍ ആടിയും പാടിയും പങ്കെടുത്തത് വിവാദമായിരുന്നു.