ഗൊരഖ്പൂര്‍: സരയൂ നദിയില്‍ ബോട്ട് മുങ്ങി അഞ്ച് പേര്‍ മരിച്ചു. ഉത്തര്‍പ്രദേശിലെ മൗ ജില്ലയില്‍ രാത്രിയോടെയാണ് ബോട്ട് മറിഞ്ഞത്. സംഭവസ്ഥലത്തെത്തി ദുരിതാശ്വാസപ്രവര്‍ത്തനങ്ങളും രക്ഷാപ്രവര്‍ത്തനങ്ങളും ഏകോപിപ്പിക്കണമെന്ന് മുഖ്യമന്ത്രി യോഗി ആദിത്യനാഥ് പറഞ്ഞു.

മരിച്ചവരുടെ കുടുംബത്തിന് ദുരിതാശ്വാസമായി നാല് ലക്ഷം രൂപ അനുവദിച്ചിട്ടുണ്ട്.  ആളുകളുമായി പോകുന്നതിനിടെയാണ് ബോട്ട് മറിഞ്ഞത്്. മൂന്ന് കുട്ടികളുടെയും രണ്ട് സ്ത്രീകളുടെയും മൃതദേഹങ്ങളാണ് കണ്ടെത്തിയത്. ചക്കിമസോദിയയില്‍ നിന്ന് തേലിയക്കല ഗ്രാമത്തിലേക്ക് പോകുന്ന ബോട്ടാണ് മറിഞ്ഞത്. കവിഞ്ഞൊഴുകുന്ന നദിയില്‍ നിയന്ത്രണം വിട്ടാണ് അപകടമുണ്ടായത്.