പാലക്കാട്: കോവിഡ് നിരീക്ഷണത്തിലിരുന്ന പാലക്കാട് സ്വദേശിനിയായ വയോധിക മരിച്ചു. കടമ്പഴിപ്പുറം ചെട്ടിയാംകുന്ന് താഴത്തേതിൽ മീനാക്ഷിയമ്മ (74)യാണ് മരിച്ചത്. 

മകനൊപ്പം ചെന്നൈയിലായിരുന്ന ഇവർ കഴിഞ്ഞ ആഴ്ചയാണ് നാട്ടിലെത്തിയത്. പ്രാഥമിക പരിശോധനയിൽ ഇവർ കോവിഡ് നെഗറ്റീവായിരുന്നു. 

നിരീക്ഷണത്തിൽ കഴിഞ്ഞിരുന്ന ഇവരെ പ്രമേഹ സംബന്ധമായ അസുഖത്തെ തുടർന്നാണ് പാലക്കാട് ജില്ലാ ആശുപത്രിയിൽ പ്രവേശിപ്പിച്ചത്. ചൊവ്വാഴ്ച രാത്രിയോടെ ഇവർ മരിച്ചു. പോസ്റ്റു‌മോർട്ടത്തിനായി മൃതദേഹം തൃശൂരിലേക്ക് കൊണ്ടുപോകും.