തൃശൂര്: ഇരിങ്ങാലക്കുടയില് സഹോദരങ്ങള് തമ്മിലുള്ള തര്ക്കത്തിനിടെ ജ്യേഷ്ഠന് അനിയനെ തലയ്ക്കടിച്ച് കൊലപ്പെടുത്തി. ആനന്ദപുരം-കൊടകര വഴിയില് കൊടിയന്കുന്നില് കൊരട്ടിക്കാട്ടില് വീട്ടില് യദുകൃഷ്ണന് (28) ആണ് മരിച്ചത്.
കഴിഞ്ഞ ദിവസം വൈകീട്ട് ആനന്ദപുരം കള്ള് ഷാപ്പില് വെച്ചായിരുന്നു സംഭവം. തര്ക്കത്തിനിടെ ജ്യേഷ്ഠന് വിഷ്ണു സഹോദരനെ കുപ്പിയും വടിയും ഉപയോഗിച്ച് മര്ദ്ദിക്കുകയായിരുന്നു. ഗുരുതരമായി പരിക്കേറ്റ യദുകൃഷ്ണനെ ഉടന് മെഡിക്കല് കോളജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തിന് ശേഷം വിഷ്ണു ഒളിവിലാണ്.
ചുമട്ട് തൊഴിലാളിയായ വിഷ്ണുവും സഹോദരനും തമ്മില് ഇടയ്ക്കിടെ വഴക്കുകള് ഉണ്ടാകാറുണ്ടെന്ന് പരിസരവാസികള് പറയുന്നു. പരേതനായ സുധാകരനാണ് പിതാവ്. സിന്ധുവാണ് അമ്മ. പുതുക്കാട് പൊലീസ് അന്വേഷണം ആരംഭിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates