ന്യൂഡല്ഹി: കേന്ദ്ര വിദ്യാഭ്യാസ മന്ത്രി ധര്മ്മേന്ദ്ര പ്രധാന്റെ രാജി ആവശ്യപ്പെട്ട് കോക്രോച്ച് ജനതാ പാര്ട്ടിയുടെ ആദ്യ പരസ്യ പ്രതിഷേധം ഇന്ന്. പ്രതിഷേധത്തിന് നേതൃത്വം നല്കാന് പാര്ട്ടി സ്ഥാപകന് അഭിജിത് ദീപ്കെ രാവിലെ ഡല്ഹിയിലെത്തും.
വിമാനത്താവളത്തില് നിന്ന് നേരെ പാര്ലമെന്റ് സ്ട്രീറ്റ് പൊലീസ് സ്റ്റേഷനില് എത്തി ജന്തര്മന്തിറില് പ്രതിഷേധത്തിന് അനുമതി തേടുമെന്നാണ് വിവരം. പൊലീസ് ഇതുവരെ അനുമതി നല്കിയിട്ടില്ല. ഇതുവരെ അനുമതി തേടി ആരും സമീപിച്ചിട്ടില്ലെന്നും പൊലീസ് വൃത്തങ്ങള് പറയുന്നു. കോക്രോച്ച് പാര്ട്ടി പ്രതിഷേധം ശക്തമാക്കിയ സാഹചര്യത്തില് ഡല്ഹി പൊലീസ് അതീവ ജാഗ്രതയിലാണ്.
ആയിരത്തിലധികം പൊലീസ് ഉദ്യോഗസ്ഥരെയാണ് വിന്യസിച്ചിരിക്കുന്നത്. പ്രതിഷേധം സമാധാനപരമായി നടത്താനാണ് സിജെപിയുടെ തീരുമാനം. കോക്രോച്ച് പാര്ട്ടിക്ക് പിന്തുണയുമായി സമാജ്വാദി പാര്ട്ടിയും ശിവസേന നേതാവ് ആദിത്യ താക്കറെയും രംഗത്തെത്തിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates