കണ്ണൂര്: എംകെ രാഘവന് എംപിയെ കണ്ണൂര് മാടായി കോളജ് കവാടത്തില് കോണ്ഗ്രസ് പ്രവര്ത്തകര് തടഞ്ഞു. മാടായി കോളജിലെ നിയമനത്തില് അഴിമതി ആരോപിച്ചായിരുന്നു എംപിയെ തടഞ്ഞത്. എംകെ രാഘവന് ചെയര്മാനായ സഹകരണ സൊസൈറ്റിക്ക് കീഴിലുള്ള കോളജില് സിപിഎം പ്രവര്ത്തകന് നിയമനം നല്കാനുള്ള നീക്കത്തിലാണ് കോണ്ഗ്രസ് പ്രവര്ത്തകരുടെ പ്രതിഷേധം.
കോഴ വാങ്ങി സിപിഎം - ഡിവൈഎഫ്ഐ പ്രവര്ത്തകര്ക്ക് പിന്വാതില് വഴി നിയമനം നടത്തുന്നു എന്നാണ് കോണ്ഗ്രസ് പ്രവര്ത്തകരുടെ ആരോപണം. പ്രവര്ത്തകരുടെ പ്രതിഷേധത്തെ അവഗണിച്ചുകൊണ്ടാണ് എംപിയുടെ നീക്കമെന്ന് കോണ്ഗ്രസ് പ്രവര്ത്തകര് പറഞ്ഞു. ഇതു സംബന്ധിച്ച് കുഞ്ഞിമംഗലം പ്രദേശത്തെ മുന്നൂറോളം പ്രവര്ത്തകര് ഒപ്പിട്ട കത്ത് മണ്ഡലം പ്രസിഡന്റ് മുതല് ബ്ലോക്ക്, ഡിസിസി, കെപിസിസി, എഐസിസി നേതൃത്വം വരെയുളളവര്ക്ക് പരാതിയായി നല്കിയിട്ടുണ്ട്.
ഇന്റര്വ്യൂ നടക്കുന്ന ഹാളിലെത്തി കോണ്ഗ്രസ് പ്രവര്ത്തകര് പ്രതിഷേധിച്ചു. ഇന്റര്വ്യൂ നിരീക്ഷിക്കുന്നതിനായി കോളജില് എത്തിയപ്പോഴാണ് എംപിയെ പ്രവര്ത്തകര് വഴിയില് തടഞ്ഞത്. ഒടുവില് പൊലീസ് സ്ഥലത്തെത്തിയാണ് ഇവരെ പിന്തിരിപ്പിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates