കണ്ണൂര്‍: ആറളം ഫാമില്‍ വീണ്ടും കാട്ടാനയുടെ ആക്രമണം. ആദിവാസി യുവാവിനെ ചവിട്ടിക്കൊന്നു. ആറളം ഫാം ഏഴാം ബ്ലോക്കില്‍ താമസിക്കുന്ന ബബീഷ് ആണ് മരിച്ചത്. 19 വയസ്സായിരുന്നു. 

ശനിയാഴ്ച വൈകുന്നേരം വീട്ടനടുത്ത വഴിയില്‍ കാട്ടാന ചവിട്ടിക്കൊന്ന നിലയില്‍ കാണുകയായിരുന്നു. വയനാട്ടില്‍ നിന്നും ഭൂമി ലഭിച്ച് താമസിച്ചുവരുന്ന കുടുബമാണ് ബബീഷിന്റേത്. 

ആറളം ഫാമില്‍ കാട്ടാന ശല്യം സ്ഥിരമാണ്. രണ്ടാഴ്ച മുന്‍പ് കാട്ടാനകള്‍ വന്‍തോതില്‍ നാശനഷ്ടങ്ങള്‍ വരുത്തിയിരുന്നു. ആറളം ഫാം നഴ്‌സറിയില്‍ പതിനഞ്ച് ലക്ഷം രൂപ ചിലവഴിച്ച് നിര്‍മ്മിച്ച വൈദ്യുത വേലികള്‍ കാട്ടാനക്കൂട്ടം നശിപ്പിച്ചിരുന്നു.