കണ്ണൂർ: പഴയങ്ങാടിയിൽ കറങ്ങി കൊണ്ടിരിക്കുന്നതിനിടെ ഫാൻ തീപിടിച്ച് പൊട്ടിത്തെറിച്ചു. മാടായിവാടിക്കൽ കടവിലെ കല്ലുപറമ്പിൽ ഹർഷന്റെ വീട്ടിൽ ഇന്ന് രാവിലെ 6മണിയോടെയാണ് സംഭവം. കറങ്ങി കൊണ്ടിരുന്ന ഫാൻ ഉഗ്ര ശബ്ദത്തിൽ പൊട്ടിത്തെറിക്കുകയായിരുന്നു. ഈ സമയം ഹർഷനും ഭാര്യ വാസന്തിയും വീട്ടുമുറ്റത്തായിരുന്നതിനാൽ വൻ ദുരന്തം ഒഴിവായി.

പൊട്ടിത്തെറി കേട്ട് ഹർഷൻ്റെ ഭാര്യ വാസന്തി വീടിനകത്തേക്ക് ഓടിച്ചെന്ന് മെയിൽ സ്വിച്ച് ഓഫ് ചെയ്താണ് തീ കെടുത്തിയത്. വീടിൻ്റെ സീലിങ്ങും കത്തി നശിച്ച നിലയിലാണ്. രണ്ട് മാസം മുമ്പാണ് ഹർഷൻ ഫാൻ വാങ്ങിയത്. തീപിടിത്തത്തിൻ്റെ കാരണം വ്യക്തമല്ല.