തിരുവനന്തപുരം: മെഡിക്കല് കോളജ് ഫാര്മസിയില് നിന്ന് മരുന്ന് മാറി നല്കിയെന്ന പരാതിയില് അന്വേഷണം നടത്താന് മെഡിക്കല് വിദ്യാഭ്യാസ ഡയറക്ടര്ക്ക് നിര്ദേശം നല്കി ആരോഗ്യ വകുപ്പ് മന്ത്രി വീണാ ജോര്ജ്. വാതരോഗത്തിന് തിരുവനന്തപുരം മെഡിക്കല് കോളജില് ചികിത്സ നടത്തിവന്ന ചടയംമംഗലം സ്വദേശിയായ രോഗിയാണ് മരുന്ന് മാറി നല്കിയെന്ന് പരാതി നല്കിയിരിക്കുന്നത്.
ഡോക്ടര് കുറിച്ച് നല്കിയ വാതത്തിനുള്ള മരുന്നിന് പകരം ഗുരുതര ഹൃദ്രോഗികള്ക്ക് വേണ്ടിയുള്ള മരുന്നാണ് ഫാര്മസിയില് നിന്ന പെണ്കുട്ടിക്ക് നല്കിയതെന്നും കോഴിക്കോട്ട് എന്ട്രസ് കോച്ചിങിന് പഠിക്കുന്ന കുട്ടി മരുന്നുമാറിയത് അറിയാതെ 45 ദിവസം ഇത് കഴിക്കുകയും ചെയ്തുവെന്നും പരാതിയില് പറയുന്നു.
പരാതിക്ക് പിന്നാലെ വിഷയത്തില് ഇടപെട്ട് ആരോഗ്യമന്ത്രി അന്വേഷണത്തിന് ഉത്തരവിട്ടു. മെഡിക്കല് വിദ്യാഭ്യാസ ഡയറക്ടറോട് അന്വേഷിച്ചു നടപടിയെടുക്കാനാണ് മന്ത്രി നിര്ദേശം നല്കിയത്. കഴിഞ്ഞ ദിവസം മെഡിക്കല് കോളജിലേക്ക് മാറ്റിയ പെണ്കുട്ടിയെ വിദഗ്ധ പരിശോധനയ്ക്ക് വിധേയയാക്കി.
ഈ വാർത്ത കൂടി വായിക്കൂ തിരുവനന്തപുരത്ത് ബ്രൂസെല്ലോസിസ് സ്ഥിരീകരിച്ചു; ജാഗ്രതാനിര്ദേശം
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates