സംസ്ഥാനത്ത് മലയോര മേഖലയില് കനത്തമഴ. ഇടുക്കിയിലും പത്തനംതിട്ടയിലും കോട്ടയത്തും ഉരുൾ പൊട്ടല്. മൂന്നുപേർ മരിച്ചു. കുടയത്തൂര് അടൂര്മലയിലുണ്ടായ ഉരുള്പൊട്ടലിൽ ഒരാൾ മരിച്ചു. കുടയത്തൂർ ഏഴാം വാർഡിൽ മഷിക്കല്ലേൽ സുമതിയാണ് മരിച്ചത്. ഒരുവീട് പൂര്ണമായും മണ്ണിനടിയിലായി. രണ്ടുപേരെ രക്ഷപ്പെടുത്തി..സംസ്ഥാനത്തെ മഴ മുന്നറിയിപ്പില് വീണ്ടും മാറ്റം. അതിതീവ്രമഴ കണക്കിലെടുത്ത് എട്ട് ജില്ലകളില് കേന്ദ്ര കാലാവസ്ഥ വകുപ്പ് റെഡ് അലര്ട്ട് പ്രഖ്യാപിച്ചു. പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് റെഡ് അലര്ട്ട്.സംസ്ഥാനത്ത് അതിശക്തമായ മഴ പെയ്യുന്ന സാഹചര്യത്തില് ആറ് ജില്ലകളില് വിദ്യാഭ്യാസ സ്ഥാപനങ്ങള്ക്ക് ശനിയാഴ്ച അവധി പ്രഖ്യാപിച്ചു. കോട്ടയം, ഇടുക്കി, പത്തനംതിട്ട, വയനാട്, മലപ്പുറം, ആലപ്പുഴ, പാലക്കാട്, കോഴിക്കോട് ജില്ലകളിലാണ് അവധി..കോമണ്വെല്ത്ത് ഗെയിംസ് ജാവലിന് ത്രോ ഫൈനലില് ആവേശമുയര്ത്തി ഏഷ്യന് കരുത്തര്. ഇന്ത്യയുടെ ഒളിംപിക് സ്വര്ണമെഡല് ജേതാവ് നീരജ് ചോപ്ര വെള്ളി മെഡല് സ്വന്തമാക്കി. രണ്ടാം ശ്രമത്തില് 85.83 മീറ്റര് എറിഞ്ഞാണ് നീരജ് ചോപ്ര വെള്ളി മെഡല് ഉറപ്പിച്ചത്. ഈ സീസണിലെ തന്റെ മികച്ച പ്രകടനമാണ് ഗ്ലാസ്ഗോയില് നീരജ് കുറിച്ചത്. .ഡിജിപി യോഗേഷ് ഗുപ്തയെ ബെവ്കോ എംഡിയായി നിയമിച്ചു. ബല്റാം കുമാര് ഉപാധ്യായയാണ് പുതിയ ഫയര്ഫോഴ്സ് മേധാവി. ജയില് മേധാവിയായ എസ് ശ്രീജിത്തിന് ഡിജിപി പദവി. ഇതു സംബന്ധിച്ച സര്ക്കാര് ഉത്തരവ് പുറത്തിറങ്ങി. ചീഫ് സെക്രട്ടറിയുടെ ശുപാര്ശ അംഗീകരിച്ചാണ് സര്ക്കാര് ഉത്തരവ് ഇറക്കിയത്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates