തിരുവനന്തപുരം: കെഎസ്ആർടിസി ഡ്രൈവിങ് സ്കൂളിലെ ആദ്യ ബാച്ചിൽ നിന്ന് 30 പേർക്ക് ലൈസൻസ്. പരിശീലനം പൂര്ത്തിയാക്കി ലൈസന്സ് കരസ്ഥമാക്കിയവർക്ക് ഗതാഗത വകുപ്പ് മന്ത്രി കെ ബി ഗണേഷ് കുമാര് ലൈസൻസ് കൈമാറി.
'വെറുംവാക്ക് പറയാറില്ലാ. ചെയ്യുവാൻ പറ്റുന്ന കാര്യമേ പറയൂ...പറയുന്ന കാര്യം ചെയ്യും.. കെഎസ്ആർടിസി ഡ്രൈവിങ് സ്കൂൾ ആരംഭിക്കുമെന്ന് പറഞ്ഞു. ആരംഭിച്ചു.'- എന്ന കുറിപ്പിലാണ് മന്ത്രി സന്തോഷവാർത്ത പങ്കുവച്ചത്.
തിരുവനന്തപുരം സ്റ്റാഫ് ട്രെയിനിങ് കേന്ദ്രത്തില് പരിശീലനം ലഭിച്ച ആദ്യ ബാച്ചിലെ 37 പേരില് 30 പേര്ക്ക് ഡ്രൈവിങ് ലൈസന്സ് ലഭിച്ചു. ലൈസന്സ് കരസ്ഥമാക്കിയവര്ക്ക് ആനയറ കെഎസ്ആര്ടിസി സ്വിഫ്റ്റ് ആസ്ഥാനത്തു നടന്ന ചടങ്ങിൽ വച്ചാണ് മന്ത്രി ലൈസന്സ് വിതരണം ചെയ്തത്. കടകംപള്ളി സുരേന്ദ്രന് എംഎല്എ അധ്യക്ഷത വഹിച്ചു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
കെഎസ്ആര്ടിസി ഡ്രൈവര്മാര്ക്ക് പരിശീലനം നല്കിയിരുന്നവരാണ് അധ്യാപകര്. സ്ത്രീകള്ക്ക് വനിതാ പരിശീലകര് ഉണ്ടാകും. എസ്/എസ്ടി വിഭാഗത്തിലുള്ളവര്ക്ക് കുറഞ്ഞ നിരക്കിലാവും പരിശീലനം. ഈ വിഭാഗത്തിലെ കുട്ടികള്ക്ക് സൗജന്യമായിരിക്കും. തിരുവനന്തപുരം സ്റ്റാഫ് ട്രെയിനിങ് കേന്ദ്രത്തില് ആരംഭിച്ച ആദ്യ പരിശീലന കേന്ദ്രത്തില് വിവിധ വിഭാഗങ്ങളിലായി 182 പേര്ക്ക് പ്രവേശനം നല്കി.
കാര് ഡ്രൈവിങ് പഠിക്കാന് 9000 രൂപയാണ് ഫീസ്. ഇതേ നിരക്കാണ് ഹെവി ഡ്രൈവിങ് പരിശീലനത്തിനും. ഇരുചക്രവാഹനങ്ങള്ക്ക് 3500 രൂപ. ഗിയര് ഉള്ളതും ഇല്ലാത്തതുമായ ടുവീലറിന് ഒരേ നിരക്കാണ് ഈടാക്കുന്നത്. കാറും ഇരുചക്രവാഹനവും ചേര്ത്ത് 11,000 രൂപയ്ക്ക് പ്രത്യേക പാക്കേജുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates