കാസര്‍കോട്: കാഞ്ഞങ്ങാട് മണ്ഡലത്തില്‍ മന്ത്രി ഇ ചന്ദ്രശേഖരന് വീണ്ടും മത്സരിക്കുന്നതിനെതിരെ സിപിഐയില്‍ ഭിന്നത രൂക്ഷം. എല്‍ഡിഎഫ് കാഞ്ഞങ്ങാട് മണ്ഡലം കണ്‍വീനര്‍ ബങ്കളം കുഞ്ഞികൃഷ്ണന്‍ രാജിവച്ചു. സിപിഐ സംസ്ഥാന കൗണ്‍സില്‍ അംഗമാണ് കുഞ്ഞികൃഷ്ണന്‍. ഇയാളെ സ്ഥാനാര്‍ഥിയാക്കണമെന്നാണ് പ്രതിഷേധക്കാരുടെ ആവശ്യം.
നേരത്തെ നിയോജക മണ്ഡലം കണ്‍വെന്‍ഷന്‍ ബഹിഷ്‌കരിച്ച 10 ബ്രാഞ്ച് സെക്രട്ടറിമാര്‍ രാജിഭീഷണി മുഴക്കി. മടിക്കൈ, അമ്പലത്തുക്കര ലോക്കല്‍ കമ്മിറ്റികള്‍ക്ക് കീഴിലെ ബ്രാഞ്ച് സെക്രട്ടറിമാരാണ് രാജി സന്നദ്ധത അറിയിച്ചത്.ചന്ദ്രശേഖരന് മൂന്നാം തവണയും അവസരം നല്‍കിയതിനെതിരെയാണ് പ്രതിഷേധം.
മൂന്നാം തവണയും മത്സരിക്കാന്‍ താത്പര്യമില്ലെന്ന് നേരത്തെ ഇ ചന്ദ്രശേഖരന് പാര്‍ട്ടി നേതൃത്വത്തെ അറിയിച്ചിരുന്നതാണ്. എന്നാല്‍ സംസ്ഥാന കമ്മിറ്റി യോഗത്തിലും ജില്ലാ കമ്മിറ്റി യോഗത്തിലും ചന്ദ്രശേഖരന് തന്നെ മത്സരിക്കണമെന്ന നിര്‍ദേശം ഉയര്‍ത്തുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates