കൊച്ചി : കരുവന്നൂർ ബാങ്ക് തട്ടിപ്പിലെ കള്ളപ്പണ കേസിൽ തൃശൂർ ജില്ലാ സഹകരണ ബാങ്ക് സെക്രട്ടറി ബിനുവിനെ ഇഡി ഇന്ന് ചോദ്യം ചെയ്യും.   കേസിലെ മുഖ്യപ്രതി സതീഷ് കുമാർ നടത്തിയ ഇടപാടുകൾ സംബന്ധിച്ചും ബിനുവിൽ നിന്നും ഇഡി വിവരങ്ങൾ തേടും. ബാങ്കിലെ സംശകരമായ പണമിടപാടുകളുടെ രേഖകൾ ഇഡിക്ക് ലഭിച്ചതായാണ് സൂചന.

സിപിഎം നേതാവും തൃശൂർ സഹകരണ ബാങ്ക്  പ്രസിഡന്‍റുമായ എംകെ കണ്ണനെ ഇഡി ഇന്നലെ ചോദ്യം ചെയ്തിരുന്നു. കണ്ണനെ ഏഴ് മണിക്കൂറോളമാണ് ചോദ്യംചെയ്തത്. കരുവന്നൂർ ബാങ്കിൽ നിന്ന് 27 കോടിയിലേറെ രൂപ ബിനാമി വായ്പയായി തട്ടിയ പിപി കിരണും സതീഷ് കുമാറും  തമ്മിലുള്ള സാമ്പത്തിക ഇടപാടിലാണ് എം കെ കണ്ണനെ ചോദ്യം ചെയ്തത്. 

വെള്ളിയാഴ്ച വീണ്ടും ഹാജരാകാൻ എംകെ കണ്ണന് ഇഡി നിർദ്ദേശം നൽകിയിട്ടുണ്ട്. ഇഡി മാനസികമായി പീഡിപ്പിച്ചുവെന്നും ഭീഷണിപ്പെടുത്തിയെന്നും ചോദ്യം ചെയ്യലിന് ശേഷം എംകെ കണ്ണൻ ആരോപിച്ചിരുന്നു. അതേസമയം സിപിഎം നേതാവും മുൻമന്ത്രിയുമായ എസി മൊയ്തീനെ വീണ്ടും ചോദ്യം ചെയ്യാൻ വിളിപ്പിക്കുന്ന കാര്യത്തിൽ തീരുമാനമായിട്ടില്ല.

ഈ വാര്‍ത്ത കൂടി വായിക്കൂ

പത്തനംതിട്ട സഹകരണ ബാങ്ക് തെരഞ്ഞെടുപ്പ്: എസ്എഫ്‌ഐ ജില്ലാ സെക്രട്ടറി കള്ളവോട്ട് ചെയ്തത് അഞ്ച് തവണ, ദൃശ്യങ്ങള്‍ പുറത്ത് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ