തിരുവനന്തപുരം: തദ്ദേശ തെരഞ്ഞെടുപ്പിന്റെ ആദ്യഘട്ടത്തില്‍ ഏഴ് ജില്ലകളിലായ 70.9 ശതമാനം പോളിങ്. ഇന്ന് പുറത്തുവിടുന്ന അന്തിമ കണക്കില്‍ പോളിങ് ഉയരും. കഴിഞ്ഞ തവണ 73.85 ശതമാനമായിരുന്നു പോളിങ്.

ഇക്കുറി എറണാകുളത്താണ് ഏറ്റവും ഉയര്‍ന്ന പോളിങ്. 74.59 ഏറ്റവും കുറവ് പത്തനംതിട്ടയിലും 66.78 ശതമാനം. സംസ്ഥാനത്തെ 140 നിയമസഭാ മണ്ഡലങ്ങളില്‍ 67 മണ്ഡലങ്ങള്‍ ഉള്‍പ്പെടുന്ന മേഖലയിലായിരുന്നു ഇന്നലെ വിധിയെഴുത്ത്. യന്ത്രത്തകരാര്‍ കണ്ടെത്തിയ ആലപ്പുഴ മണ്ണഞ്ചേരി ഗവ. ഹൈസ്‌കൂളില്‍ ഒന്നാം നമ്പര്‍ ബൂത്തില്‍ നാളെ റീപോളിങ് നടത്തും.

കള്ളവോട്ട് ചെയ്തതിന് തിരുവനന്തപുരം, മുല്ലൂര്‍, അരുവിക്കര, കൊച്ചി, പള്ളുരുത്തി എന്നിവിടങ്ങളില്‍ ഓരോരുത്തര്‍ പിടിയിലായി. അരുവിക്കരയില്‍ ഇറങ്ങി ഓടിയ കോണ്‍ഗ്രസ് പ്രവര്‍ത്തകര്‍ പിടികൂടി പൊലീസില്‍ എല്‍പ്പിച്ചു. ബാക്കി ഏഴ് ജില്ലകളില്‍ നാളെയാണ് വോട്ടെടുപ്പ്. ഈ ജില്ലകളിലെ പരസ്യപ്രചാരണം ഇന്നലെ അവസാനിച്ചു. 13ന് രാവിലെയാണ് വോട്ടെണ്ണല്‍

തിരുവനന്തപുരം 67.4%, കൊല്ലം 70.36%. പത്തനംതിട്ട 67.78%. ആലപ്പുഴ 73.76%, കോട്ടയം 70.94%, ഇടുക്കി 71.77%, എറണാകുളം 74.59% എന്നിങ്ങനെയാണ് ജില്ലകളിലെ പോളിങ്‌