മദ്യപിച്ച് വാഹനം ഓടിച്ച് അപകടം ഉണ്ടാക്കിയാല്‍ അയാളുടെ ലൈസന്‍സ് റദ്ദാക്കണമെന്ന് ഹൈക്കോടതി. അമേരിക്കയില്‍ നടന്ന ഇടക്കാല തെരഞ്ഞെടുപ്പില്‍ പ്രസിഡന്റ് ഡോണള്‍ഡ് ട്രംപിനും റിപ്പബ്ലിക്കന്‍ പാര്‍ട്ടിക്കും തിരിച്ചടി. ഹോര്‍മൂസ് കടലിടുക്കിലെ യാത്രാ നിയന്ത്രണങ്ങളില്‍ ഇന്ത്യയ്ക്ക് ഇളവ് നല്‍കി ഇറാന്‍. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

മദ്യപിച്ച് വാഹനം ഓടിച്ച് അപകടം ഉണ്ടാക്കിയാല്‍ അയാളുടെ ലൈസന്‍സ് റദ്ദാക്കണമെന്ന് ഹൈക്കോടതി. ക്രിമിനല്‍ വിചാരണ പൂര്‍ത്തിയാകാന്‍ കാത്തിരിക്കരുത്. മോട്ടോര്‍ വാഹന വകുപ്പ് കടുത്ത നടപടി സ്വീകരിക്കണമെന്നും കോടതി അഭിപ്രായപ്പെട്ടു. ലൈസന്‍സ് റദ്ദാക്കാനുള്ള അധികാരം അപൂര്‍വമായാണ് അധികൃതര്‍ വിനിയോഗിക്കുന്നതെന്നും കോടതി നിരീക്ഷിച്ചു.

അമേരിക്കയിലെ 2026-ലെ ഇടക്കാല തെരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് മേൽ സമ്പൂർണ്ണാധിപത്യം നേടി ഡെമോക്രാറ്റുകൾ. യു.എസ് സെനറ്റിന്റെയും ജനപ്രതിനിധി സഭയുടെയും നിയന്ത്രണം ഡെമോക്രാറ്റുകൾ തിരിച്ചുപിടിച്ചു. ദശാബ്ദങ്ങളായി റിപ്പബ്ലിക്കൻ പാർട്ടിയുടെ ഉരുക്കുകോട്ടകളായ സംസ്ഥാനങ്ങളിൽ പോലും ഡെമോക്രാറ്റുകൾ അട്ടിമറി വിജയം നേടി. ടെക്സസ്, കാൻസസ്, സൗത്ത് കരോലിന തുടങ്ങിയ ഇടങ്ങളിൽ ഡെമോക്രാറ്റിക് സ്ഥാനാർത്ഥികൾ മിന്നുന്ന വിജയം സ്വന്തമാക്കി.

ഹ്രസ്വകാലയളവിലേക്ക് യുവാക്കളെ സായുധ സേവനത്തിന് നിയോഗിക്കുന്ന അഗ്നിപഥ് പദ്ധതിയില്‍ നിര്‍ണായക മാറ്റവുമായി കേന്ദ്രസര്‍ക്കാര്‍. പദ്ധതിയില്‍ അഗ്നിവീറായി നിയമിക്കപ്പെട്ട 25 ശതമാനം പേരെ സേനയില്‍ സ്ഥിരപ്പെടുത്തി. ശേഷിക്കുന്ന 75 ശതമാനം അഗ്നിവീറുകളുടെ കാലാവധി രണ്ടു വര്‍ഷം കൂടി ദീര്‍ഘിപ്പിക്കാന്‍ കേന്ദ്രസര്‍ക്കാര്‍ തീരുമാനിച്ചതായി സംയുക്ത സേനാ മേധാവി എന്‍ എസ് രാജാസുബ്രഹ്മണി അറിയിച്ചു.

ഹിമാചലില്‍ നിന്ന് വൈദ്യുതി വാങ്ങുമ്പോള്‍ സര്‍ക്കാരിനുണ്ടാകുന്ന 2232 കോടിയുടെ അധിക ബാധ്യത ഒഴിവാക്കാനാണ് സ്വകാര്യ കമ്പനിയായ ജിഎന്‍എ വഴി വൈദ്യുതി വാങ്ങാന്‍ തീരുമാനിച്ചതെന്ന് മുഖ്യമന്ത്രി വിഡി സതീശന്‍. ഉപഭോഗം ഏറ്റവും കൂടുന്ന പീക്ക് ഹവറുകളില്‍ ഏറ്റവും കൂടുതല്‍ വൈദ്യുതി ലഭിക്കുന്നത് ജി.എന്‍.എ വഴിയാണ്.  മുന്‍പ് പിണറായി വിജയന്‍ മുഖ്യമന്ത്രിയായിരുന്നപ്പോഴും ഇതേ കമ്പനിയില്‍ നിന്ന് വൈദ്യുതി വാങ്ങിയിരുന്നതായി മുഖ്യമന്ത്രി പറഞ്ഞു. 

ന്യൂസിലന്‍ഡിനെതിരായ ഏകദിന പരമ്പരിയിലെ ആദ്യ മത്സരത്തില്‍ ഇന്ത്യക്ക് 5 വിക്കറ്റിന്റെ ജയം. ഏകദിന കരിയറിലെ 80-ാം അര്‍ധ ശതകം സ്വന്തമാക്കിയ വിരാട് കോഹ്‌ലിയാണ് ഇന്ത്യയുടെ ചേസിങ് എളുപ്പമാക്കിയത്. മഴ മൂലം ഇന്ത്യയുടെ ഇന്നിങ്‌സ് 32 ഓവറായും വിജയലക്ഷ്യം 143 റണ്‍സായും പുനര്‍നിശ്ചയിച്ചിരുന്നു. 56 പന്തുകള്‍ ബാക്കിനില്‍ക്കെ ഇന്ത്യ ജയം പിടിച്ചു.