കണ്ണൂര്‍: തെരഞ്ഞെടുപ്പ് ചൂടിനിടെ വൈറലായി സ്ഥാനാര്‍ഥികളുടെ നൃത്തച്ചുവടുകള്‍. ആന്തൂര്‍ നഗരസഭയിലെ സ്ത്രീ സ്ഥാനാര്‍ഥികള്‍ ഒന്നിച്ച് അവതരിപ്പിച്ച നൃത്തമാണ് സമൂഹമാധ്യമങ്ങളില്‍ പ്രചരിക്കുന്നത്. നഗരസഭയിലെ വിവിധ വാര്‍ഡുകളിലായി മത്സരിക്കുന്ന 15 സ്ഥാനാര്‍ത്ഥികളാണ് തെരഞ്ഞെടുപ്പ് പ്രചരണത്തിന്റെ ഭാഗമായാണ് മാപ്പിളപ്പാട്ടിനൊപ്പം ചുവടുവച്ചത്.

ഷമീറ കെ പി, രജിത കെ, ചിത്ര പി കെ, ഓമന മുരളീധരന്‍, ശ്രീജ കെ, ആമിന ടീച്ചര്‍, ഇ രജിത, ഷീന കെ പി, നിജില കെ പി, എന്‍ വി സരോജിനി, എ വി പ്രേമവല്ലി, ധന്യ ടി വി, വി സതീദേവി, പാളിയത്ത് വളപ്പ്, പ്രിയ കെ എം എന്നിവരാണ് പാട്ടിനൊപ്പം ചുവടുവച്ചത്.

29 വാര്‍ഡുകള്‍ ഉള്ള ആന്തൂര്‍ നഗരസഭയില്‍ 15 സ്ഥാനാര്‍ത്ഥികള്‍ സ്ത്രീകളാണ്. ഇതില്‍ അഞ്ചുപേര്‍ നേരത്തെ എതിരില്ലാതെ തെരഞ്ഞെടുക്കപ്പെട്ടിരുന്നു.