തിരുവനന്തപുരം: കോവിഡ് വ്യാപനത്തിന്റെ പശ്ചാത്തലത്തില് സംസ്ഥാനത്ത് നിയന്ത്രണങ്ങള് കൂടുതല് ശക്തമാക്കുമെന്ന് മുഖ്യമന്ത്രി പിണറായി വിജയന്. കൂടുതല് ഫസ്റ്റ് ലൈന് ട്വീറ്റ്മെന്റ് സെന്ററുകള് വേണ്ടിവരും. അതിനാല് ഹോസ്റ്റലുകളും ലോഡ്ജുകളും സര്ക്കാര് ഏറ്റെടുക്കും. സംസ്ഥാനത്ത് നിലവില് ഓക്സിജന് ക്ഷാമമില്ല.
സ്വകാര്യ ആശുപത്രികളില് ചിലയിടങ്ങളില് പ്രശ്നമുണ്ട്. അത് പരിഹരിക്കാനുള്ള സംവിധാനങ്ങള് ഒരുക്കും.
കെഎസ്ഇബി, വാട്ടര് അതോറിറ്റി കുടിശ്ശിക രണ്ടുമാസം പിരിക്കില്ല. രണ്ടാം ഡോസ് വാക്സിന് മൂന്നു മാസം കഴിഞ്ഞ് എടുക്കുന്നതാണ് കൂടുതല് ഫലപ്രദം. ഏറ്റവും ഒടുവില് പുറത്തുവന്ന പഠന റിപ്പോര്ട്ടിലാണ് ഇത് പറയുന്നത്. അതുകൊണ്ട് നേരത്തെ എടുക്കുന്നതിന് വേണ്ടി തിരക്കു കൂട്ടേണ്ടതില്ലെന്നും മുഖ്യമന്ത്രി പറഞ്ഞു.
റാപ്പിഡ് റസ്പോണ്സ് ടീമില് മെഡിക്കല് വിദ്യാര്ത്ഥികളെക്കൂടി ഉള്പ്പെടുത്തും. തെരഞ്ഞെടുപ്പ് ഡ്യൂട്ടിയിലുണ്ടായിരുന്ന ഉദ്യോഗസ്ഥരെയും രംഗത്തിറക്കുമെന്നും അദ്ദേഹം വാര്ത്താ സമ്മേളനത്തില് വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates