കോട്ടയം; യുകെയിൽ മലയാളി യുവാവ് ആശുപത്രിയിൽ കുഴഞ്ഞുവീണു മരിച്ചു. നെടുംകുന്നം മുളയംവേലി മുരിക്കാനിക്കൽ ഷൈജു സ്കറിയ ജയിംസ് (37) ആണ് മരിച്ചത്. ദിവസങ്ങൾക്ക് മുൻപാണ് ഷൈജുവിന്റെ ഭാര്യ നിത്യ പ്രസവിക്കുന്നത്. നിത്യയ്ക്ക് കൂട്ടായി ആശുപത്രിയിൽ കഴിയുന്നതിനിടെ കുഴഞ്ഞുവീഴുകയായിരുന്നു. 

ഡെറിഫോഡ് യൂണിവേഴ്സിറ്റി എൻഎച്ച്എസ് ആശുപത്രിയിലെ ശുചിമുറിയിലാണ് മരിച്ച നിലയിൽ കണ്ടെത്തിയത്. ഹൃദയാഘാതമാണു മരണകാരണം എന്നാണ് റിപ്പോർട്ടുകൾ. ദിവസങ്ങൾക്കു മുൻപാണ് ഷൈജു മകൾ ജനിച്ച സന്തോഷം സോഷ്യൽ മീഡിയയിൽ പങ്കുവച്ചത്.

മൂത്ത മകനെ സ്കൂളിൽ വിടുന്നതിനായി വീട്ടിലേക്കു പോയ ഷൈജു തിരിച്ച് ആശുപത്രിയിൽ വന്നശേഷം കാന്റീനിലേക്കു പോയി. ഏറെനേരമായിട്ടും കാണാതെ വന്നതിനെത്തുടർന്നു നടത്തിയ അന്വേഷണത്തിൽ ശുചിമുറിയിൽ മരിച്ചനിലയിൽ കണ്ടെത്തുകയായിരുന്നു. 2 വർഷം മുൻപാണു കുവൈത്തിൽനിന്നു യുകെയിലേക്കു പോയത്. സ്വകാര്യ സ്ഥാപനത്തിൽ ജീവനക്കാരനായിരുന്നു. നിത്യ പ്ലിമത്ത് യൂണിവേഴ്സിറ്റി ആശുപത്രിയിൽ നഴ്സാണ്. 

ഈ വാർത്ത കൂടി വായിക്കൂ ആശുപത്രിയിൽ നിന്ന് മടക്കി അയച്ചു, വീട്ടിലെത്തി മണിക്കൂറുകൾക്കകം യുവതി പ്രസവിച്ചു; കുഞ്ഞ് മരിച്ചു; പരാതി​

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ