തിരുവനന്തപുരം: ആമയിഴഞ്ചാന് തോട്ടില് ശുചീകരണത്തിന് ഇറങ്ങിയ തൊഴിലാളിയെ കാണാതായി. മാരായമുട്ടം സ്വദേശി ജോയിയെയാണ് കാണാതായത്. കോര്പറേഷന്റെ താല്ക്കാലിക തൊഴിലാളിയാണ്. അഞ്ച് മണിക്കൂര് നേരം തിരച്ചില് നടത്തിയിട്ടും ജോയിയെ കണ്ടെത്താനായിട്ടില്ല. വെള്ളത്തിന്റെ ഒഴുക്കിനൊപ്പം മാലിന്യത്തിന്റെ വലിയ കൂമ്പാരമാണ് തിരിച്ചലിന് പ്രതിസന്ധിയാകുന്നത്.
തമ്പാനൂര് റെയില്വേ സ്റ്റേഷനടുത്ത് വലിയ തോതില് മാലിന്യങ്ങള് അടിഞ്ഞിരുന്നത് വൃത്തിയാക്കുന്നതിനിടെയാണ് അപകടം. മൂന്നു പേരാണ് ശുചീകരണത്തിനായി തോട്ടില് ഇറങ്ങിയത്. മഴ കനത്തതോടെ ജോയി ഒഴുക്കില്പെടുകയായിരുന്നു. ഒപ്പമുണ്ടായിരുന്നവര് കയര് ഇട്ടുകൊടുത്തെങ്കിലും ജോയിക്ക് പിടിച്ചുകയറാനായില്ല.
മുങ്ങല് വിദഗ്ധര് ഉള്പ്പെടെയാണ് തിരച്ചില് നടത്തുന്നത്. റെയില്വേ ലൈന് ക്രോസ് ചെയ്തു പോകുന്ന ഭാഗത്ത് മാലിന്യങ്ങള്ക്കടിയിലൂടെ ഊളിയിട്ട് തിരച്ചില് നടത്തുകയെന്നത് ദുഷ്കരമാണ്. പാളത്തിന് അടിയില് തോടിന് വീതികുറവാണെന്നതും വെല്ലുവിളിയാണ്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
നിലവില് തോട്ടിലെ മാലിന്യങ്ങള് നീക്കി ജോയിയെ കണ്ടെത്താനാണ് ശ്രമം. മാലിന്യം നീക്കിയാലേ സ്കൂബ ഡൈവര്മാര്ക്ക് തോട്ടിലെ ടണലിനുള്ളിലേക്ക് പ്രവേശിക്കാനാകൂ. ഇതിനായി മാലിന്യങ്ങള് നീക്കാനാണ് നിലവിലെ ശ്രമം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates