തൃശൂർ: പത്തു വയസുകാരിയെ ബലാത്സംഗം ചെയ്ത കേസിൽ 33കാരന് 90 വർഷം കഠിനതടവും മൂന്നു വർഷം വെറും തടവും 5.6 ലക്ഷം രൂപ പിഴയും ശിക്ഷ വിധിച്ചു. ചാവക്കാട് അതിവേഗ കോടതിയുടേതാണ് വിധി. ചാവക്കാട് മണത്തല ദ്വാരക ബീച്ച് മഠത്തിൽപ്പറമ്പിൽ സിയാദി(33)നെയാണ് ശിക്ഷിച്ചത്.

പിഴയടയ്ക്കാത്ത പക്ഷം 32 മാസംകൂടി തടവുശിക്ഷ അനുഭവിക്കണം. പിഴസംഖ്യ അതിജീവിതയ്ക്ക് നൽകാനും ചാവക്കാട് അതിവേഗ പ്രത്യേക കോടതി ജഡ്ജി അന്യാസ് തയ്യിൽ വിധിച്ചു. 2017ലാണ് പെൺകുട്ടിയെ ഇയാൾ പീഡിപ്പിക്കുന്നത്. വിവരം പുറത്തു പറയരുതെന്ന് ഭീഷണിപ്പെടുത്തുകയും ചെയ്തിരുന്നു.  

ഗുരുവായൂർ അസി. പൊലീസ് കമ്മിഷണറായിരുന്ന പിഎ ശിവദാസന്റെ നേതൃത്വത്തിലാണ് അന്വേഷണം പൂർത്തിയാക്കി കുറ്റപത്രം സമർപ്പിച്ചത്. സ്പെഷ്യൽ പബ്ലിക് പ്രോസിക്യൂട്ടർ അഡ്വ. സിജു മുട്ടത്ത്, അഡ്വ. സി. നിഷ എന്നിവർ പ്രോസിക്യൂഷനുവേണ്ടി ഹാജരായി.

ഈ വാര്‍ത്ത കൂടി വായിക്കൂ 

കൊച്ചി മെട്രോ പുലര്‍ച്ചെ ഒരു മണിവരെ, അധിക സര്‍വീസുമായി വാട്ടര്‍ മെട്രോ; എറണാകുളം- ഫോര്‍ട്ട് കൊച്ചി ബോട്ട് സര്‍വീസ് രാത്രി ഏഴുവരെ മാത്രം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ