സംസ്ഥാനത്ത് ന്യൂനമര്‍ദത്തിന്റെ സ്വാധീന ഫലമായി ചൊവ്വാഴ്ച വരെ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. മൂന്ന് ജില്ലകളില്‍ ഞായറാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. ആലപ്പുഴയില്‍ യൂത്ത് കോണ്‍ഗ്രസ് പ്രവര്‍ത്തകര്‍ക്ക് മര്‍ദനമേറ്റ സംഭവത്തില്‍ അന്വേഷണം നേരിടുന്ന എഡിജിപി എംആര്‍ അജിത് കുമാറിന്റെ സസ്‌പെന്‍ഷന്‍ സര്‍ക്കാര്‍ നീട്ടി. ന്യൂസിലന്‍ഡിനെതിരെ രണ്ടാം ടി20യില്‍ ഇന്ത്യക്ക് നാലുവിക്കറ്റ് ജയം. ഇന്നത്തെ അഞ്ച് പ്രധാന വാര്‍ത്തകളറിയാം.

ഞായറാഴ്ച മലപ്പുറം, കോഴിക്കോട്, വയനാട് ജില്ലകളിൽ റെഡ് അലർട്ട് പ്രഖ്യാപിച്ച പശ്ചാത്തലത്തിൽ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. ഞായറാഴ്ചയും പ്രവർത്തിക്കുന്ന ട്യൂഷൻ സെന്ററുകൾ, മതപഠന ക്ലാസുകൾ, പാരലൽ കോളജുകൾ എന്നിവയ്ക്ക് ഉൾപ്പെടെയാണ് കലക്ടർമാർ അവധി പ്രഖ്യാപിച്ചത്.

എഡിജിപി എംആര്‍ അജിത്കുമാറിന്റെ സസ്‌പെന്‍ഷന്‍ കാലാവധി 120 ദിവസത്തേക്ക് (4 മാസം) കൂടി നീട്ടി സര്‍ക്കാര്‍ ഉത്തരവിറക്കി.

ന്യൂസിലന്‍ഡിനെതിരായ രണ്ടാം ടി20 മത്സരത്തില്‍ ഇന്ത്യക്ക് ആവേശ വിജയം. ആതിഥേയരായ കിവീസിനെ 4 വിക്കറ്റിന് പരാജയപ്പെടുത്തിയാണ് ഇന്ത്യ പരമ്പരയില്‍ ആധിപത്യം ഉറപ്പിച്ചത്.

ഡ്രൈവിങ് ലൈസന്‍സ് നേടുന്നതിനുള്ള നടപടികളില്‍ മാറ്റം വരുത്താന്‍ ഒരുങ്ങി കേന്ദ്രസര്‍ക്കാര്‍. ലേണേഴ്‌സ് ലൈസന്‍സ് ലഭിക്കുന്നതിനുള്ള സുരക്ഷിതമായ ഡ്രൈവിങ് പരിശീലനത്തില്‍ വിജയിക്കാന്‍ നിലവില്‍ 60 ശതമാനം മാര്‍ക്കാണ് വേണ്ടത്. ഇത് 75 ശതമാനമായി ഉയര്‍ത്താന്‍ കരട് നിര്‍ദേശത്തില്‍ പറയുന്നു.

തനിക്കെതിരായ പാര്‍ട്ടി നടപടി പുന:പരിശോധിക്കണമെന്നാവശ്യപ്പെട്ട് സിപിഎം കേന്ദ്രനേതൃത്വത്തിന് കത്തയച്ച് പിപി ദിവ്യ. ജനാധിപത്യ മഹിളാ അസോസിയേഷന്‍ ഭാരവാഹിത്വത്തില്‍ നിന്നും മാറ്റിയതിനെതിരെയും കത്തില്‍ പരമര്‍ശിക്കുന്നുണ്ട്.