തൃശ്ശൂർ; അടുപ്പിൽ സാനിറ്റൈസർ ഒഴിച്ച് തീ കത്തിക്കുന്നതിനിടെ ​ഗുരുതരമായി പൊള്ളലേറ്റ് ഫാർമസിസ്റ്റ് മരിച്ചു. അഴകം കൊല്ലാട്ടിൽ വിനേഷിന്റെ ഭാര്യ ദീപിക (24) ആണ് മരിച്ചത്. ഫെബ്രുവരി ഏഴിനാണ് അപകടമുണ്ടായത്. അടുപ്പിൽ സാനിറ്റൈസർ ഒഴിച്ചയുടൻ തീ ആളിപ്പടർന്ന് വസ്ത്രം കത്തുകയായിരുന്നു. 

​ഗുരുതരമായി പൊള്ളലേറ്റ ദീപികയെ ഉടൻ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ചികിത്സയിലിരിക്കെയായിരുന്നു മരണം. കൊമ്പൊടിഞ്ഞാമാക്കൽ നീതി മെഡിക്കൽ സ്റ്റോറിലെ ഫാർമസിസ്റ്റാണ്. രണ്ട് മാസം മുൻപാണ് ജോലിയിൽ പ്രവേശിച്ചത്.