ന്യൂഡല്ഹി: കണ്ണൂര് കോടതി സമുച്ചയ നിര്മാണ കരാര് ഊരാളുങ്കല് ലേബര് സൊസൈറ്റിക്കു നല്കിയ ഹൈക്കോടതി ഉത്തരവ് സുപ്രീം കോടതി സ്റ്റേ ചെയ്തു. ഉയര്ന്ന തുക ക്വട്ടേഷന് നല്കിയവര്ക്ക് കരാര് നല്കുന്നത് എങ്ങനെയെന്ന് സുപ്രീം കോടതി ചോദിച്ചു. ഹര്ജിയില് എതിര് കക്ഷികളായ സംസ്ഥാന സര്ക്കാര് ഉള്പ്പെടെയുള്ളവര്ക്ക് കോടതി നോട്ടിസ് അയച്ചു. ജസ്റ്റിസുമാരായ ജെകെ മഹേശ്വരി, സഞ്ജയ് കുമാര് എന്നിവര് ഉള്പ്പെടുന്ന രണ്ടംഗ ബെഞ്ചിന്റേതാണ് ഉത്തരവ്.
കണ്ണൂരിലെ ഏഴുനില കോടതി സമുച്ചയത്തിന്റെ നിമാണത്തിന് ഏറ്റവും കുറഞ്ഞ തുകയുടെ ക്വട്ടേഷന് നല്കിയത് എഎം മുഹമ്മദ് അലി എന്ന കോണ്ട്രാക്ടറുടെ ഉടമസ്ഥതയിലുള്ള നിര്മാണ് കണ്സ്ട്രക്ഷന്സ് എന്ന കമ്പനിയായിരുന്നു. എന്നാല്, നിര്മാണ് കണ്സ്ട്രക്ഷന്സ് നല്കിയ ക്വട്ടേഷനെക്കാളും കൂടുതല് തുക ക്വോട്ട് ചെയ്ത ഊരാളുങ്കല് ലേബര് സൊസൈറ്റിക്ക് കരാര് നല്കാനായിരുന്നു കേരള ഹൈക്കോടതി ഡിവിഷന് ബെഞ്ച് ഉത്തരവിട്ടത്. ഇതിനെതിരെ നല്കിയ ഹര്ജിയിലാണ് സുപ്രീംകോടതി സ്റ്റേ വിധിച്ചത്.
മുതിര്ന്ന അഭിഭാഷകനായ ദുഷ്യന്ത് ദവെ, ഹാരിസ് ബീരാന് എന്നിവരാണ് നിര്മാണ് കണ്സ്ട്രക്ഷന്സ് കമ്പനിക്കു വേണ്ടി സുപ്രീം കോടതിയില് ഹാജരായത്. കുറഞ്ഞ തുക ക്വട്ടേഷന് നല്കുന്നവര്ക്ക് സര്ക്കാരിന്റെ നിര്മാണ കരാര് നല്കില്ലെന്ന ഉത്തരവ്, സ്വകാര്യ കോണ്ട്രാക്ടര്മാരെ ആകെ ബാധിക്കുമെന്ന് ഇരുവരും വാദിച്ചു.
ഈ വാര്ത്ത കൂടി വായിക്കൂ 'ലഹരിക്കടത്ത്, ക്വട്ടേഷന്, അശ്ലീല വീഡിയോ'; എല്ലായിടത്തും സിപിഎം പങ്കാളിത്തം, വിമര്ശനവുമായി പ്രതിപക്ഷ നേതാവ്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates