ബിലാല്‍  
Kerala

കരുനാഗപ്പള്ളിയില്‍ നിന്നും കാണാതായ ഏഴാം ക്ലാസ് വിദ്യാര്‍ഥി ബിലാലിന്റെ മൃതദേഹം കണ്ടെത്തി

ശനിയാഴ്ച വൈകീട്ടാണ് ബിലാലിനെ കാണാതായത്

Author : സമകാലിക മലയാളം ഡെസ്ക്
Edited By : Jayakumar

കൊല്ലം: കരുനാഗപ്പള്ളിയില്‍ നിന്നും കാണാതായ ഏഴാം ക്ലാസ് വിദ്യാര്‍ഥിയുടെ മൃതദേഹം കണ്ടെത്തി. പടനായര്‍കുളങ്ങര തെക്ക് നൗഷാദ് മന്‍സിലില്‍ ബിലാല്‍ (12) ന്റെ മൃതദേഹമാണ് കണ്ടെത്തിയത്. കൊതുമുക്ക് പാലത്തിന് അടിയില്‍ നിന്നാണ് മൃതദേഹം ലഭിച്ചത്. ശനിയാഴ്ച വൈകീട്ടാണ് ബിലാലിനെ കാണാതായത്.

പടനായര്‍കുളങ്ങര വെല്‍ഫെയര്‍ യു പി സ്‌കൂളിലെ ഏഴാം ക്ലാസ് വിദ്യാര്‍ഥിയാണ്. ശനിയാഴ്ച വൈകീട്ട് വീട്ടില്‍ നിന്നും ഫുട്‌ബോള്‍ കളിക്കാനായി പോയ കുട്ടി പിന്നീട് തിരിച്ചെത്തിയില്ല. കുട്ടിയുടെ സൈക്കിളും ജഴ്‌സിയും വീടിന് അടുത്തുള്ള കന്നേറ്റി കായലിലെ വള്ളംകളി പവലിയന് സമീപത്തു നിന്നും ലഭിച്ചിരുന്നു.

ഇതോടെയാണ് കന്നേറ്റി കായലില്‍ തിരച്ചില്‍ തുടങ്ങിയത്. ശനിയാഴ്ച രാത്രി ഏറെ വൈകിയും ഞായറാഴ്ചയും തിരച്ചില്‍ തുടര്‍ന്നിരുന്നു. കരുനാഗപ്പള്ളി അഗ്‌നിരക്ഷാ സേനയുടെ നേതൃത്വത്തില്‍ കൊല്ലത്തുനിന്നുള്ള സ്‌കൂബാടീമും മുങ്ങല്‍ വിദഗ്ധരും തിരച്ചില്‍ നടത്തി. ഫയര്‍ഫോഴ്‌സ് സ്‌കൂബാ സംഘം ഇന്നു രാവിലെയാണ് മൃതദേഹം കണ്ടെത്തിയത്.

The body of Bilal, a missing seventh class student, has been found

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

സ്വാമിയേ ശരണമയ്യപ്പാ..; മണ്ഡലകാല തീര്‍ഥാടനത്തിനായി ശബരിമല നട ഇന്ന് തുറക്കും

ആസിയാന്‍ ഉച്ചകോടിയില്‍ പങ്കെടുക്കുന്നതിനായി മോദി മനിലയിലേക്ക്; ട്രംപുമായി കൂടിക്കാഴ്ചയ്ക്ക് സാധ്യത

കണ്ണുനിറച്ച് ഉള്ളിവില, കിലോയ്ക്ക് 200 രൂപ വരെ; വെളുത്തുള്ളി വിലയും റെക്കോര്‍ഡില്‍

ഡേറ്റിങ് ആപ്പിലൂടെ പരിചയപ്പെട്ടു; കനേഡിയന്‍ 'യുവതി' നാട്ടിലെത്തിയപ്പോള്‍ 61കാരി; 31കാരന്‍ കല്യാണത്തില്‍ നിന്ന് പിന്‍മാറി

തീവ്ര ന്യൂനമര്‍ദ്ദം ഇന്ന് ചുഴലിക്കാറ്റായി മാറും; സംസ്ഥാനത്ത് വ്യാഴാഴ്ച വരെ മഴ