ചെന്നൈ: തലമുറകളെ താരാട്ടുപാട്ട് പാടി ഉറക്കിയ വിഖ്യാത ഗായിക എസ് ജാനകി അന്തരിച്ചു. മൈസൂരുവിലെ അപ്പോളോ ആശുപത്രിയില് വച്ചായിരുന്നു അന്ത്യം. 88 വയസ്സായിരുന്നു. ശ്വസനസംബന്ധമായ അസുഖങ്ങളെ തുടര്ന്ന് ഇന്നാണ് ആശുപത്രിയില് പ്രവേശിപ്പിച്ചത്. ആറ് പതിറ്റാണ്ടിലേറെ നീണ്ട സംഗീതയാത്രയില് ഇരുപതിലധികം ഭാഷകളിലായി ആയിരത്തിലേറെ പാട്ടുകള് പാടിയിട്ടുണ്ട്..ഹനോയ്: വിയറ്റ്നാമിൽ ഇന്ത്യൻ വിനോദസഞ്ചാരികൾ യാത്രചെയ്ത ബോട്ട് തലകീഴായി മറിഞ്ഞ് 15 പേർ മരിച്ചു. വിനോദസഞ്ചാര കേന്ദ്രമായ ഫുക്വോക് ദ്വീപിന് സമീപത്ത് പ്രാദേശിക സമയം 10.30 ഓടെയാണ് സംഭവം. ലാവ ഫാർമസ്യൂട്ടിക്കൽ സംഘമാണ് അപകടത്തിൽപ്പെട്ടത്. അപകടത്തില് മരിച്ചവരില് രണ്ട് മലയാളികളുമുണ്ട്. കൊടിക്കുന്നില് സുരേഷ് എംപിയാണ് ഇക്കാര്യം അറിയിച്ചത്. വിയറ്റ്നാമിലുള്ള ഇന്ത്യന് അംബാസിഡര്മാരുമായി സംസാരിച്ച ശേഷമാണ് മരിച്ചവരില് മലയാളികള് ഉണ്ടെന്ന് സ്ഥിരീകരിച്ചത്. കൊല്ലം കൊട്ടാരക്കര സ്വദേശികളായ എവി തോമസും ഭാര്യ ലോവേനി തോമസ് എന്നിവരാണ് മരിച്ചത്..കൊച്ചി: മെഡിക്കല് കോളജുകളിലടക്കം സര്ക്കാര് ആശുപത്രികളില് നല്കുന്ന പൊതിച്ചോര് വിതരണത്തെ പരിഹസിച്ച നിലപാടില് മലക്കം മറിഞ്ഞ് ജി സുധാകരന് എംഎല്എ. മെഡിക്കല് കോളജുകളിലെ സൗജന്യ ഭക്ഷണവിതരണത്തിനെതിരെ സംസാരിച്ചിട്ടില്ലെന്നും ഒരു മെഡിക്കല് കോളജിലും ഇല്ലാത്ത വിധം ആലപ്പുഴ മെഡിക്കല് കോളജ് കോമ്പൗണ്ടില് മാത്രം ഷെഡ്ഡ് കെട്ടി ഭക്ഷണം പാചകം ചെയ്തു വിതരണം ചെയ്യുന്ന സംവിധാനം നിരുത്സാഹപ്പെടുത്തണം എന്നാണ് താന് പറഞ്ഞിട്ടുള്ളതെന്നും ജി സുധാകരന് പറഞ്ഞു. കേരള മത്സ്യത്തൊഴിലാളി ക്ഷേമനിധി ബോര്ഡ് സംഘടിപ്പിച്ച 'നക്ഷത്രത്തിളക്കം 2026' ല് മത്സ്യത്തൊഴിലാളികളുടേയും അനുബന്ധത്തൊഴിലാളികളുടേയും കുട്ടികള്ക്ക് വിദ്യാഭ്യാസ - കായിക പ്രോത്സാഹന അവാര്ഡ് വിതരണം ചെയ്യുന്ന ചടങ്ങില് സംസാരിക്കുകയായിരുന്നു ജി സുധാകരന്..ന്യൂഡല്ഹി: മാധ്യമങ്ങളോട് ക്ഷുഭിതനായി പ്രതിപക്ഷ നേതാവ് പിണറായി വിജയന്. ഡല്ഹിയിലെത്തിയ പിണറായിയോട് മാധ്യമപ്രവര്ത്തകര് ചോദ്യങ്ങള് ചോദിക്കാന് തയ്യാറെടുക്കുന്നതിനിടെയാണ് പിണറായി വിജയന് ക്ഷുഭിതനായത്. എന്തെങ്കിലും പറയാനുണ്ടെങ്കില് താന് പറയും. മാധ്യമങ്ങള് വടിയും നീട്ടി നില്ക്കേണ്ടതില്ലെന്ന് പിണറായി പറഞ്ഞു. കേന്ദ്ര കമ്മിറ്റി യോഗത്തിനിടെ കേരള ഹൗസില് ഭക്ഷണം കഴിക്കാനെത്തിയപ്പോഴായിരുന്നു സംഭവം..പത്തനംതിട്ട: ശബരിമല തന്ത്രി സ്ഥാനത്ത് നിന്ന് മാറ്റണമെന്ന് ആവശ്യപ്പെട്ട് ദേവസ്വം ബോര്ഡിന് കത്ത് നല്കി കണ്ഠരര് രാജീവരര്. അനാരോഗ്യമുണ്ടെന്ന് ചൂണ്ടിക്കാണിച്ചാണ് തന്ത്രിസ്ഥാനത്ത് നിന്ന് മാറ്റാന് ആവശ്യപ്പെട്ടത്. ശബരിമലയിലെ സ്വര്ണക്കൊള്ളക്കേസില് പ്രതിയായിരുന്നു കണ്ഠരര് രാജീവരര്. ഇത്തവണ ഊഴപ്രകാരം കണ്ഠരര് രാജീവരര് ആണ് ശബരിമലയില് കാര്മികത്വം വഹിക്കേണ്ടത്. എന്നാല് അതിന് പകരം തന്റെ മകന് ബ്രഹ്മദത്തനെ താന്ത്രിക ചുമതല നല്കണമെന്നാണ് അദ്ദേഹം കത്തിലൂടെ ആവശ്യപ്പെട്ടിരിക്കുന്നത്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates