‌
കോഴിക്കോട്: ഭ​ക്ഷ​ണ​മി​ല്ലാ​തെ സൂര്യനിൽനിന്ന് ഊർജം സ്വീകരിച്ച് വ​ർഷ​ങ്ങ​ൾ ജീ​വി​ക്കാ​മെ​ന്ന്​ ​തെ​ളി​യി​ച്ച ഹീ​ര ര​ത്ത​ൻ മ​നേ​ക് (85) അ​ന്ത​രി​ച്ചു. സ്വകാര്യ ആശുപത്രിയിൽ ചികിത്സയിലിരിക്കെ ഇന്നലെ വൈകിട്ടാണ് അന്ത്യം. സൗരോർജത്തിന്റെ പ്രചാരകനായി സ്വന്തംശരീരം പരീക്ഷണശാലയാക്കിയ ഇദ്ദേഹം 'ഹീരാ രത്തൻ മനേക് പ്രതിഭാസ'ത്തിന്റെ ഉപജ്ഞാതാവാണ്. 

1937ൽ ​ഗു​ജ​റാ​ത്തി​ൽ ജ​നി​ച്ച ഹീ​ര ര​ത്ത​​ന്റെ കു​ടും​ബം ക​ച്ച​വ​ട​ത്തി​നാ​യി കോ​ഴി​ക്കോ​ട്ടെ​ത്തി​ വി​കാ​സ്​ ന​ഗ​ർ കോ​ള​നി​യി​ൽ താ​മ​സ​മാ​ക്കു​ക​യാ​യി​രു​ന്നു. ​പോ​ണ്ടി​ച്ചേ​രി​യി​ലെ അ​ര​ബി​ന്ദോ ആ​ശ്ര​മത്തിൽനിന്നാണ് സൂ​ര്യോ​പാ​സ​ന​യെ​ക്കു​റി​ച്ച് അറിഞ്ഞത്. 1992ൽ അദ്ദേഹം ​സൂ​ര്യോ​പാ​സ​ന തു​ട​ങ്ങി.1995ൽ തു​ട​ർച്ച​യാ​യി 211 ​ദി​വ​സം കോ​ഴി​ക്കോ​ട്ട്​ ഉ​പ​വാ​സം അ​നു​ഷ്ഠി​ച്ചു. അ​ഹ്മ​ദാ​ബാ​ദി​ൽ വച്ച് 2001 ജ​നു​വ​രി മു​ത​ൽ 411 ദി​വ​സം തുടർച്ചയായി ഭക്ഷണമുപേക്ഷിച്ച് ഉ​പ​വാ​സ​മ​നു​ഷ്ഠി​ച്ച് ഗിന്നസ് ബുക്കിൽ ഇടംനേടിയിട്ടുണ്ട്. നാസ ഇദ്ദേഹത്തെ ക്ഷണിച്ച് പഠനം നടത്തുകയും ബഹിരാകാശയാത്രികർക്ക് ക്ലാസെടുപ്പിക്കുകയും ചെയ്തിട്ടുണ്ട്.

സൂ​ര്യ​ര​ശ്മി മ​നു​ഷ്യ​ൻ നേ​രി​ട്ട്​ സ്വീ​ക​രി​ച്ച് ഭ​ക്ഷ​ണം കൂ​ടാ​തെ ക​ഴി​യാം എ​ന്നാണ് ഹീരാ രത്തൻ തെ​ളി​യി​ച്ച​ത്. മസ്തിഷ്‌കത്തെ സൗരോർജം ഉപയോഗിച്ച് ചാർജ് ചെയ്യുന്നതിനെക്കുറിച്ച് 'ബ്രെയിന്യൂട്ടർ' എന്ന പുസ്തകം രചിച്ചിട്ടുണ്ട്. വി​മ​ല ബെ​ൻ ആണ് ഭാര്യ, മ​ക്ക​ൾ: ഹി​തേ​ഷ്, ന​മ്ര​ത, പ​രേ​ത​നാ​യ ഗി​തെ​ൻ. മ​രു​മ​ക്ക​ൾ ഹീ​ന, മ​യൂ​ർ​ത്ത മൂ​ത്ത.