കോഴിക്കോട്: കോർപറേഷൻ പരിധിയിലും ജില്ലയിലെ എല്ലാ മുൻസിപ്പാലിറ്റികളിലുമുള്ള കണ്ടെയ്ൻമെന്റ് സോണുകളിലുമുള്ള വ്യാപര സ്ഥാപനങ്ങൾ തുറക്കുന്നതിനുള്ള നിയന്ത്രണങ്ങൾ നീക്കി. ബസ് റൂട്ടുകളിലുള്ള വ്യാപര സ്ഥാപനങ്ങൾ തുറക്കാം. കണ്ടെയ്ൻമെന്റ് സോണുകളിലെ ബാങ്കുകളുടെ പ്രവർത്തനം വൈകീട്ട് അഞ്ച് മണി വരെ നീട്ടി. 

ജില്ലയില്‍ ഇന്ന് 688 പേര്‍ക്കാണ് കോവിഡ് സ്ഥിരീകരിച്ചത്. 1113 പേർക്കാണ് രോ​ഗ മുക്തി. വിദേശത്ത് നിന്ന് എത്തിയ ഒന്‍പത് പേര്‍ക്കും ഇതര സംസ്ഥാനങ്ങളില്‍ നിന്ന് എത്തിയവരില്‍ 11 പേര്‍ക്കുമാണ് പോസിറ്റീവായത്. 19 പേരുടെ ഉറവിടം വ്യക്തമല്ല. സമ്പര്‍ക്കം വഴി 649 പേര്‍ക്കാണ് രോഗം ബാധിച്ചത്. 

കോര്‍പറേഷന്‍ പരിധിയില്‍ സമ്പര്‍ക്കം വഴി 211 പേര്‍ക്ക് പോസിറ്റീവായി. ചികിത്സയിലുള്ള കോഴിക്കോട് സ്വദേശികളുടെ എണ്ണം 10541 ആയി. 6564 പേര്‍ വീടുകളിലാണ് ചികിത്സയിലുള്ളത്. 15 ആരോഗ്യ പ്രവര്‍ത്തകര്‍ക്കും കോവിഡ് സ്ഥിരീകരിച്ചിട്ടുണ്ട്. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 1113 പേര്‍ കൂടി രോഗമുക്തിനേടി ആശുപത്രി വിട്ടു.