തിരുവനന്തപുരം:  വീട്ടമ്മയെ പീഡിപ്പിച്ചെന്ന പരാതിയില്‍ അറസ്റ്റിലായ കോവളം എംഎല്‍എ എം വിന്‍സന്റ് കുറ്റക്കാരനെന്നു തെളിഞ്ഞാല്‍ മാത്രമേ പാര്‍ട്ടി നടപടിയെടുക്കുകയൊള്ളുവെന്ന് കെപിസിസി അധ്യക്ഷന്‍ എംഎം ഹസന്‍. എം വിന്‍സന്റിന്റെ അറസ്റ്റ് രാഷ്ട്രീയ പ്രേരിതമാണെന്നും ഹസന്‍ വ്യക്തമാക്കി. അറസ്റ്റ് ചെയ്തത് സാധാരണ സംഭവമെന്നാണ് പ്രതിപക്ഷനേതാവ് രമേശ് ചെന്നിത്തല ഇക്കാര്യത്തില്‍ പ്രതികരിച്ചത്. ഇതോടെ, എം വിന്‍സെന്റ് രാജിവെക്കില്ലെന്ന സൂചന ശക്തമായി.  

അതേസമയം, എംഎല്‍എയെ അറസ്റ്റു ചെയ്തതോടെ എം വിന്‍സന്റ് രാജിവെക്കണമെന്നാവശ്യപ്പെട്ട് വനിതാ നേതാക്കള്‍ രംഗത്തെത്തി. യുവനേതാവ് എം വിന്‍സന്റ് രാജിവെക്കണമെന്ന് ബിന്ദു കൃഷ്ണ ആവശ്യപ്പെട്ടു. സമാന ആവശ്യവുമായി ഷാനിമോള്‍ ഉസ്മാനും രംഗത്തെത്തി. 

എന്നാല്‍, സമാന കേസില്‍ ഭരണകക്ഷി നേതാവിന് സമാന ആരോപണമുണ്ടായപ്പോള്‍ അദ്ദേഹത്തെ അറസ്റ്റു ചെയ്തിട്ടില്ലെന്ന് കെ മുരളീധരന്‍. ഇക്കാര്യത്തില്‍ എം വിന്‍സെന്റ് രാജിവെക്കേണ്ടെന്നും മുരളീധരന്‍ കൂട്ടിച്ചേര്‍ത്തു.