കോഴിക്കോട്: കൊറോണ വൈറസ് പടർന്ന് പിടിക്കുന്നത് തടയുന്നതിന്റെ ഭാ​ഗമായി കോഴിക്കോട്ടെ വിനോദ സഞ്ചാര കേന്ദ്രങ്ങൾ അടച്ചു. ജില്ലാ ടൂറിസം പ്രമോഷൻ കൗൺസിലിന് കീഴിലുളള വിനോദ സഞ്ചാര കേന്ദ്രങ്ങൾ അടച്ചതായി അധികൃതർ അറിയിച്ചു. 

ഭട്ട്‌റോഡ് ബീച്ച്, സൗത്ത് ബീച്ച്,  കോഴിക്കോട് ബീച്ച്, കാപ്പാട് ബീച്ച്, ബേപ്പൂര്‍ ബീച്ച്, സരോവരം ബയോ പാര്‍ക്ക്, തുഷാരഗിരി, പെരുവണ്ണാമുഴി, വയലട, അരിപാറ, നമ്പികുളം, വടകര സാന്‍ഡ്ബാങ്ക്സ് ബീച്ച് എന്നീ വിനോദസഞ്ചാര കേന്ദ്രങ്ങളാണ് അടച്ചത്. കഴിഞ്ഞ ദിവസം തിരുവനന്തപുരത്തും വിനോദ സഞ്ചാര കേന്ദ്രങ്ങൾ അടച്ചിരുന്നു. നെയ്യാർ ഡാമും മ്യൂസിയവും മൃ​ഗശാലയുമാണ് നിയന്ത്രണങ്ങളുടെ ഭാ​ഗമായി അടച്ചത്.