അബുദാബി : കോവിഡ് ബാധിച്ച് ഗള്‍ഫില്‍ ഒരു മലയാളി കൂടി മരിച്ചു. പത്തനംതിട്ട നെല്ലിക്കാല സ്വദേശി റോഷന്‍കുട്ടിയാണ് അബുദാബിയില്‍ മരിച്ചത്. 48 വയസ്സായിരുന്നു.

കോവിഡ് ബാധിച്ച് യുഎഇയില്‍ ചാവക്കാട് സ്വദേശി മുഹമ്മദ് ഹനീഫ് (63) മരിച്ചിരുന്നു. റസല്‍ഖൈമയില്‍ വെച്ചാണ് ഹനീഫ് മരിക്കുന്നത്. 22 വര്‍ഷമായി യു.എ.ഇയിലുള്ള മുഹമ്മദ് ഹനീഫ് റാസല്‍ഖൈമ അറേബ്യന്‍ ഇന്റര്‍നാഷണല്‍ കമ്പനിയില്‍ സൂപ്പര്‍വൈസറായി ജോലിചെയ്തു വരികയായിരുന്നു.

രണ്ടു ദിവസത്തിനിടെ യുഎഇയില്‍ കോവിഡ് ബാധിച്ച് മരിക്കുന്ന ഏഴാമത്തെ മലയാളിയാണ് റോഷന്‍. ഇതോടെ വൈറസ് ബാധിച്ച് യുഎഇയില്‍ മരിച്ച മലയാളികളുടെ എണ്ണം 31 ആയി.