ഗുരുവായൂര്‍: ഈ മാസം പതിനേഴ്‌സിന് പുലര്‍ച്ചെ ഗുരുവായൂര്‍ ക്ഷേത്ര നട തുറക്കാന്‍ രണ്ട് മണിക്കൂര്‍ വൈകും. ചന്ദ്രഗ്രഹണമായതിനാലാണ് ഇത്. സാധാരണ പുലര്‍ച്ചെ മൂന്നിനാണ് ക്ഷേത്രനട തുറക്കുന്നത്.

എന്നാല്‍, പതിനേഴിന് പുലര്‍ച്ചെ 1.29നാണ് ഗ്രഹണം ആരംഭിക്കുന്നത്. പുലര്‍ച്ചെ 4.30 വരെ ഗ്രഹണം നീളും. ഗ്രഹണം അവസാനിച്ച ശേഷം പുലര്‍ച്ചെ അഞ്ച് മണിക്ക് മാത്രമേ ക്ഷേത്രം തുറക്കുകയുള്ളു. അഞ്ച് മണിക്ക് ക്ഷേത്രം തുറന്നതിന് ശേഷമാവും നിര്‍മാല്യ ദര്‍ശനം.