കോഴിക്കോട്: ടിപ്പര്‍ ലോറി സ്‌കൂട്ടറിലിടിച്ചുണ്ടായ അപകടത്തില്‍ രണ്ടുപേര്‍ മരിച്ചു. കോഴിക്കോട് മുക്കത്താണ് അപകടമുണ്ടായത്. മലപ്പുറം ഇരുവേറ്റി സ്വദേശി വിഷ്ണുവും ഒപ്പമുണ്ടായിരുന്ന പശ്ചിമബംഗാള്‍ സ്വദേശി എസ് കെ മക്ബുല്‍ എന്നയാളുമാണ് മരിച്ചത്. 

എടവണ്ണ-കൊയിലാണ്ടി സംസ്ഥാനപാതയിലാണ് സംഭവം. അപകടം നടന്നതിന് പിന്നാലെ ഇടിച്ച ലോറി നിര്‍ത്താതെ പോയെന്നാണ് റിപ്പോര്‍ട്ട്.