തൃശൂർ : തൃശൂർ അയ്യന്തോളിൽ പഞ്ചിക്കൽ ഫ്ലാറ്റ് കൊലപാതകത്തിൽ അഞ്ചു പ്രതികൾ കുറ്റക്കാരെന്ന് കോടതി. കേസിലെ പ്രതിയായിരുന്ന കെപിസിസി മുൻ സെക്രട്ടറി എം ആർ രാംദാസിനെ വെറുതെ വിട്ടു.

തൃശൂർ അഡീഷണൽ സെഷൻസ് കോടതിയാണ് അഞ്ചുപ്രതികൾ കുറ്റക്കാരെന്ന് കണ്ടെത്തിയത്. കുറ്റക്കാർക്കുള്ള ശിക്ഷ കോടതി തിങ്കളാഴ്ച പ്രസ്താവിക്കും. ഷൊർണൂർ സ്വദേശി സതീശനെ ഫ്ലാറ്റിൽ പൂട്ടിയിട്ട് മൃ​ഗീയമായി മർദ്ദിച്ച് കൊലപ്പെടുത്തി എന്നാണ് കേസ്.

2016 മാർച്ച് മൂന്നിനായിരുന്നു കൊലപാതകം. പുതുക്കാട് സ്വദേശി ബ്ളോക്ക് കോൺഗ്രസ് നേതാവ് റഷീദ് ആണ് കേസിലെ മുഖ്യപ്രതി.