കൊച്ചി: പ്രവാസികളെ നാട്ടിലെത്തിക്കുന്ന വന്ദേ ഭാരത് ദൗത്യത്തിന്റെ ഭാഗമായി കൊച്ചിയിൽ ഇന്ന് രണ്ട് വിമാനങ്ങൾ എത്തും. സിംഗപ്പുരിൽ നിന്നും ദമാമിൽ നിന്നുമാണ് ഇന്ന് പ്രവാസികളെ നാട്ടിലെത്തിക്കുന്നത്. ദമാം–കൊച്ചി വിമാനം രാത്രി 8.30നും സിംഗപ്പുരിൽനിന്ന്‌ ബംഗളൂരു വഴിയുള്ള വിമാനം രാത്രി 10.50നും എത്തും.

പ്രവാസികളുമായി കണ്ണൂരിലേക്കുള്ള ആദ്യ വിമാനവും ഇന്നെത്തും. ദുബായിൽ നിന്നുള്ള ആളുകളെയാണ് ഇന്ന് വൈകിട്ട് ഏഴ് മണിയോടെ കണ്ണൂരെത്തിക്കുന്നത്. ഏകദേശം 180തോളം യാത്രക്കാർ ഈ യാത്രയിൽ ഉണ്ടാകും എന്നാണ് റിപ്പോർട്ടുകൾ. ഇതിൽ 109 പേരും കണ്ണൂർ സ്വദേശികളാണ്. കാസർഗോഡ്, കോഴിക്കോട്, മലപ്പുറം, മാഹി, വയനാട്, തൃശ്ശൂർ സ്വദേശികളും വിമാനത്തിലുണ്ടാകും.

മാലിദ്വീപിൽ നിന്ന് ഐഎൻഎസ് ജലാശ്വ കപ്പലിൽ 202 ഇന്ത്യക്കാരെ ഇന്ന് കൊച്ചിയിലെത്തിക്കും. ഇന്ന് വൈകിട്ട് 7:30ന് കപ്പൽ കൊച്ചിയിലെത്തും.