പത്തനംതിട്ട: അടൂർ ഏഴംകുളത്ത് ക്വാറന്റൈനിൽ കഴിഞ്ഞിരുന്ന യുവതി തൂങ്ങിമരിച്ചു. ഏഴംകുളം പുതുമല സ്വദേശിനി മേരി മയാസ(28)യാണ് മരിച്ചത്. കഴിഞ്ഞ മാസം 27ന് തഞ്ചാവൂരിൽനിന്നെത്തിയ മേരി അടുത്തുള്ള മറ്റൊരു വീട്ടിൽ ക്വാറന്റൈനിൽ കഴിയുകയായിരുന്നു.

ചേർക്കാട്ട് കോളനിയിൽ പുത്തൻവിളയിൽ സുഭാഷിന്റെ ഭാര്യയാണ് മേരി.

അതേസമയം, കൊല്ലം കൊട്ടാരക്കരയിൽ നിരീക്ഷണത്തിലായിരിക്കെ ഇന്നു രാവിലെ മരിച്ച യുവാവിന് കോവിഡ് സ്ഥിരീകരിച്ചു. തേവലക്കര സ്വദേശി മനോജ് (24) ആണ് മരിച്ചത്. ദുബൈയിൽനിന്ന് എത്തി നിരീക്ഷണത്തിൽ കഴിയുകയായിരുന്നു മനോജ്. പുത്തൂരിലാണ് ഇയാൾ നിരീക്ഷണത്തിൽ കഴിഞ്ഞിരുന്നത്.