തൊടുപുഴ: പരിയാരത്തിന് സമീപം പൊട്ടിവീണ വൈദ്യുതി കമ്പിയില്‍ നിന്നും ഷോക്കേറ്റ് ദമ്പതികള്‍ മരിച്ചു. ഉടുമ്പന്നൂര്‍ ചീനിക്കുഴി കല്ലറയ്ക്കല്‍ ബാബു (60), ഭാര്യ ലൂസി (56) എന്നിവരാണ് മരിച്ചത്. കനത്ത മഴയില്‍ പൊട്ടിവീണ വൈദ്യുത കമ്പിയില്‍ നിന്ന് ഇവര്‍ക്കു ഷോക്കേല്‍ക്കുകയായിരുന്നു. 

ഞായറാഴ്ച രാവിലെ ആറോടെയായിരുന്നു അപകടം. പള്ളിയിലേക്കു പോകുന്നതിനിടെ റോഡില്‍ വൈദ്യുതി കമ്പി വീണു കിടക്കുന്നത് മാറ്റിയിടാന്‍ ശ്രമിക്കുന്നതിനിടക്കാണ് ഇവര്‍ക്ക് ഷോക്കേറ്റത്. നാട്ടുകാര്‍ ആശുപത്രിയില്‍ എത്തിച്ചെങ്കിലും ഇരുവരും സംഭവസ്ഥലത്തുവെച്ച് തന്നെ മരിച്ചിരുന്നു. മൃതദേഹം തൊടുപുഴ താലൂക്കാശുപത്രിയില്‍ സൂക്ഷിച്ചിരിക്കുകയാണ്.