പമ്പ : ശബരിമലയില്‍ താന്‍ ആചാരം ലംഘിച്ചിട്ടില്ലെന്ന് ദേവസ്വം ബോര്‍ഡ് അംഗം കെ പി ശങ്കര്‍ദാസ്. ചടങ്ങിന്റെ ഭാഗമായാണ് താന്‍ പതിനെട്ടാംപടി കയറിയത്. ദേവസ്വം പ്രതിനിധി എന്ന നിലയിലാണ് താന്‍ ചടങ്ങില്‍ പങ്കെടുത്തത്. മേല്‍ശാന്തി അടക്കം ആര്‍ക്കും ഇരുമുടിക്കെട്ട് ഉണ്ടായിരുന്നില്ലെന്നും ശങ്കര്‍ ദാസ് പറഞ്ഞു.
ആചാരവും ചടങ്ങും രണ്ടും രണ്ടാണ്. അതേസമയം ഇരുമുടിക്കെട്ടില്ലാതെ ആര്‍എസ്എസ് നേതാവ് വല്‍സന്‍ തില്ലങ്കേരി പതിനെട്ടാംപടി കയറിയത് ആചാരലംഘനമാണെന്നും ശങ്കര്‍ദാസ് പറഞ്ഞു. ശബരിമലയില്‍ സര്‍ക്കാരിന്റെ ഇടപെടലില്ല. ദേവസ്വം ബോര്‍ഡിന് സ്വതന്ത്രമായി തീരുമാനമെടുക്കാം.
റിവ്യൂ ഹര്‍ജി പരിഗണിക്കുമ്പോള്‍ ദേവസ്വം ബോര്‍ഡിനോട് കോടതി അഭിപ്രായം ചോദിക്കുമ്പോള്‍ നിലപാട് അറിയിക്കും. അങ്ങനെ മാത്രമേ ചെയ്യാനാകൂ. അതിന് മുമ്പ് റിപ്പോര്‍ട്ട് നല്‍കാനാകില്ല. സുപ്രിംകോടതിയില്‍ പുതിയ അഭിഭാഷകനെ നിയമിക്കുന്നത് അടക്കമുള്ള കാര്യങ്ങള്‍ ബോര്‍ഡ് യോഗം ചേര്‍ന്ന ശേഷം തീരുമാനമെടുക്കുമെന്നും ശങ്കര്‍ദാസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates