കോഴിക്കോട്: ലോക അത്ലെറ്റിക്സ് മീറ്റില് പങ്കെടുക്കാന് മലയാളി താരം പിയു ചിത്രയ്ക്ക് അവസരം ലഭിക്കാത്തത് യോഗ്യതയില്ലാത്തതിനാലെന്ന് പിടി ഉഷ. യോഗ്യതയില്ലാതെ ആരെയും ഇത്തരം മത്സരങ്ങളില് പങ്കെടുപ്പിക്കാറില്ലെന്നും ചിത്രയുടെ പ്രകടനത്തില് സ്ഥിരതയില്ലെന്നും പിടി ഉഷ വാര്ത്താ സമ്മേളനത്തില് വ്യക്തമാക്കി. അതേസമയം, ചിത്രയ്ക്കു യോഗ്യത ലഭിക്കാത്തതില് തനിക്കു ഖേദമുണ്ടെന്നും ഉഷ പറഞ്ഞു.
പിടി ഉഷ ഉള്പ്പടെയുള്ള സെലക്ഷന് കമ്മിറ്റിയാണ് ചിത്രയ്ക്കു ലോക അത്ലെറ്റിക്സ് മീറ്റിനുള്ള അവസരം നിഷേധിച്ചതെന്ന വാര്ത്തകള് തെറ്റാണ്. ഞാന് സെലക്ഷന് കമ്മിറ്റിയംഗമല്ല. കമ്മിറ്റിയിലെ നിരീക്ഷക മാത്രമാണ്. പരിശീകകൂടിയായ ഉഷ വ്യക്തമാക്കി.
ഏഷ്യന് അത്ലറ്റിക്സ് ചാംപ്യന്ഷിപ്പില് 1500 മീറ്ററില് സ്വര്ണം നേടിയ പിയു ചിത്രയുടെ പ്രകടനം
ചിത്രയെ ഒഴിവാക്കിയെന്ന വിവാദത്തില് തനിക്കു പങ്കുണ്ടെന്ന രീതിയില് വാര്ത്തകള് വന്നതോടെ കായിക മന്ത്രാലയം വരെ തന്നെ തെറ്റിദ്ധരിച്ചിരിക്കുകയാണ്. ലോ മീറ്റില് പങ്കെടുക്കാനുള്ള യോഗ്യതാ മാര്ക്ക് ചിത്രയ്ക്കു നേടാന് സാധിച്ചിട്ടില്ല. ടെക്നിക്കലായണ് സെലക്ഷന് കമ്മിറ്റിയുടെ തീരുമാനം. ചിത്രയെ പങ്കെടുപ്പിക്കണമെന്ന് താന് വാദിച്ചതായും ഉഷ കൂട്ടിച്ചേര്ത്തു.
.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates