കോട്ടയം : കാമുകിക്കൊപ്പം ലോഡ്ജിൽ മുറിയെടുത്ത് താമസിച്ച ഭർത്താവിനെ കൈയോടെ പിടിച്ച് ഭാര്യ. ഭർത്താവിനെ മർദിക്കുകയും കാമുകിയെ തള്ളിയിടാൻ ശ്രമിക്കുകയും ചെയ്തു. സംഭവം വഷളായതോടെ, പൊലീസ് സ്ഥലത്തെത്തി, ഭർത്താവിനെയും കാമുകിയെയും സ്റ്റേഷനിലേക്ക് മാറ്റി. കോട്ടയം ​ഗാന്ധിന​ഗറിലാണ് സംഭവം.  

ശനിയാഴ്ചയാണ് ഗാന്ധിനഗറിലെ ലോഡ്ജിൽ ഭർത്താവും കാമുകിയും മുറിയെടുത്തത്. ഇതറിഞ്ഞ ഭർത്താവിന്റെ കൂട്ടുകാരിൽ ചിലർ ഭാര്യയോട് ലോഡ്ജിന്റെ പേരും മുറി നമ്പരും പറഞ്ഞുകൊടുത്തു. ഭാര്യ ലോഡ്ജ് മുറിയിലെത്തി ഭർത്താവിനെയും കാമുകിയെയും പിടികൂടുകയായിരുന്നു. ഉഭയസമ്മതപ്രകാരമായതിനാൽ ഭർത്താവിന്റെയും കാമുകിയുടെയും പേരിൽ കേസെടുക്കാൻ സാധിക്കാത്തതിനാൽ അനുനയിപ്പിച്ച് ബന്ധുക്കൾക്കൊപ്പം പറഞ്ഞുവിട്ടു.

ബന്ധുവിനൊപ്പം പറഞ്ഞുവിട്ട കാമുകിയായ യുവതി ഇതിനിടെ ബസിനു മുന്നിലേക്ക് ചാടാൻ ശ്രമം നടത്തി. ബന്ധു തടഞ്ഞതിനാൽ അപകടമുണ്ടായില്ല. പൊലീസ് ഇരുവരെയും അനുനയിപ്പിച്ച് പറഞ്ഞയച്ചു.  തുടർന്ന് ഇരുവരും ബന്ധുക്കൾക്കൊപ്പം പോയി.