കൊച്ചി:  200 ലഹരി ഗുളികകളുമായി കൊച്ചിയില്‍ നിന്നും മൂന്ന് പേരെ അറസ്റ്റ് ചെയ്തു. ഗോശ്രീ പാലത്തിന് സമീപത്ത് നടത്തിയ വാഹന പരിശോധനയിലാണ് കണ്ണമാലി സ്വദേശികളെ അറസ്റ്റ് ചെയ്തത്. വിദ്യാര്‍ത്ഥികള്‍ക്ക് വിതരണം ചെയ്യുന്നതിനായാണ് ഇവ എത്തിച്ചതെന്നാണ് കരുതുന്നത്. 

മാനസിക അസ്വാസ്ഥ്യങ്ങള്‍ക്ക് ഡോക്ടറുടെ നിര്‍ദ്ദേശപ്രകാരം മാത്രം ലഭിക്കുന്ന നൈട്രോസന്‍ ഗുളികകളാണ് പിടിച്ചെടുത്തത്.20 ഗുളികകള്‍ അടങ്ങിയ സ്ട്രിപ്പ് പോണ്ടിച്ചേരിയില്‍ നിന്നും വാങ്ങി കൊച്ചിയില്‍ എത്തിക്കുകയാണ് സംഘം ചെയ്തു വന്നിരുന്നത്. 500 രൂപയാണ് ഇവര്‍ ഗുളികയ്ക്കായി വിദ്യാര്‍ത്ഥികളില്‍ നിന്നും ഈടാക്കിയിരുന്നതെന്ന് പൊലീസ് പറഞ്ഞു.