തിരുവനന്തപുരം: വ്യഷ്ടി പ്രദേശങ്ങളിൽ മഴ ശക്തമായതിനെത്തുടർന്ന് അരുവിക്കര ഡാമിൻ്റെ ഷട്ടറുകൾ തുറക്കുന്നു. ഡാമിൻ്റെ രണ്ടാം നമ്പർ ഷട്ടർ 90 സെന്റീമീറ്റർ ഉയർത്തിയിട്ടുണ്ട്. ഇതിനുപുറമേ മൂന്നാം നമ്പർ ഷട്ടറും 30 സെന്റീമീറ്റർ ഉയർത്തുമെന്ന് ജില്ലാ ഭരണകൂടം അറിയിച്ചു. ഡാമിലേക്കുള്ള നീരൊഴുക്ക് വർദ്ധിച്ചതിനാലാണ് ഷട്ടറുകൾ തുറക്കുന്നത്.

കരമന നദിയുടെ ഇരുകരകളിൽ ഉള്ളവർ ജാഗ്രത പാലിക്കണമെന്ന് അധികൃതർ അറിയിച്ചു. കരമന നദിയിൽ നീരൊഴുക്ക് വർധിക്കുമെന്നതിനാൽ നദിയിൽ ഇറങ്ങുന്നത് ഒഴിവാക്കണമെന്നും ആവശ്യപ്പെട്ടു.