തൃശൂര്‍: പ്രായപൂർത്തിയാകാത്ത പെണ്‍കുട്ടികളെ വ്യാജരേഖകളുമായി കേരളത്തിലെത്തിച്ച ഏജന്‍റ് പിടിയില്‍. ഒഡിഷ സ്വദേശി നാഗേന്ദ്രയാണ് പൊലീസ് പിടിയിലായത്. ഇതര സംസ്ഥാനങ്ങളിൽ 18 പെൺകുട്ടികളെയാണ് രേഖകളില്ലാതെ ഇയാൾ സംസ്ഥാനത്തേക്കെത്തിച്ചത്. 

ഛത്തീസ്ഗഡ്, ഒഡിഷ എന്നിവിടങ്ങളിൽ നിന്നാണ് കുട്ടികളെ എത്തിച്ചത്. കേരളത്തിലെ വിവിധ കന്യാസ്ത്രീ മഠങ്ങളിൽ ജോലി ചെയ്യാനാണ് തങ്ങളെ കൊണ്ടുവന്നതെന്ന് പെൺകുട്ടികൾ പൊലീസിൽ മൊഴി നൽകി.സംഭവത്തിൽ അന്വേഷണം ആരംഭിച്ചെന്നും പെണ്‍കുട്ടികളെ റസ്ക്യൂ ഹോമിലേക്ക് മാറ്റിയെന്നും പൊലീസ് പറഞ്ഞു.