ന്യൂഡല്ഹി: ജസ്റ്റിസ് ഇന്ദു മല്ഹോത്ര അവധിയില് ആയതിനാല് ശബരിമല റിവ്യൂ ഹര്ജികള് പരിഗണിക്കുന്നതിനുള്ള തീയതി നിശ്ചയിച്ചിട്ടില്ലെന്ന് സുപ്രിം കോടതി ചീഫ് ജസ്റ്റിസ് ജസ്റ്റിസ് രഞ്ജന് ഗൊഗോയ്. ജസ്റ്റിസ് ഇന്ദു മല്ഹോത്ര അവധി കഴിഞ്ഞു തിരിച്ചെത്തിയതിനു ശേഷം തീയതി നിശ്ചയിക്കുമെന്ന് അദ്ദേഹം അറിയിച്ചു. ജസ്റ്റിസ് ഇന്ദു മല്ഹോത്ര ജനുവരി 30 വരെ അവധിയിലാണെന്ന് ചീഫ് ജസ്റ്റിസ് പറഞ്ഞു.
ശബരിമലയില് യുവതീ പ്രവേശനം അനുവദിച്ച വിധിക്കെതിരായ പുനപ്പരിശോധനാ ഹര്ജികള് സുപ്രിം കോടതി ഇന്നു പരിഗണിക്കാനിരുന്നതാണ്. ഭരണഘടനാ ബെഞ്ചിലെ അംഗമായ ജസ്റ്റിസ് ഇന്ദു മല്ഹോത്ര മെഡിക്കല് അവധിയില് ആയതിനാല് ഇതു മാറ്റുകയായിരുന്നു. ഹര്ജിക്കാരുടെ അഭിഭാഷകനായ മാത്യൂസ് നെടുമ്പാറ കേസ് പരാമര്ശിച്ചപ്പോഴാണ് ജനുവരി 30ന് ശേഷം തീയതി നിശ്ചയിക്കുമെന്ന് ചീഫ് ജസ്റ്റിസ് വ്യക്തമാക്കിയത്.
ശബരിമല കേസിലെ റിട്ട് ഹര്ജികള് ഫെബ്രുവരി എട്ടിന് പരിഗണിക്കുന്നതിനുള്ള സാധ്യതാ പട്ടികയില് ഉള്പ്പെടുത്തിയിട്ടുണ്ട്. ശബരിമലയുമായി ബന്ധപ്പെട്ട് സര്ക്കാര് നല്കിയ ഹര്ജികളും അന്നു പരിഗണിച്ചേക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates