കൊല്ലം : അക്ഷയ ഭാഗ്യക്കുറിയുടെ ഒന്നാം സമ്മാനം അതിഥിത്തൊഴിലാളിക്ക് ലഭിച്ചു. ബംഗാൾ സ്വദേശി ബുദിൻ മർഡി (ലൊക്കൻ –28) ക്കാണ് 70 ലക്ഷം രൂപയുടെ ഒന്നാം സമ്മാനം ലഭിച്ചത്. 

എഇ 509910 ടിക്കറ്റിനാണ് സമ്മാനം. മൈനാഗപ്പള്ളി പാണ്ടിച്ചേരിൽ ലോട്ടറി ഏജൻസിയിലെ വിൽപനക്കാരനായ ബാബുക്കുട്ടൻപിള്ളയിൽ നിന്നാണ്  ബുദിൻ ലോട്ടറി വാങ്ങിയത്. ഇതേ ലോട്ടറിയിൽ 5000 രൂപയുടെ സമ്മാനവുമുണ്ട്. 

എട്ടു വർഷം മുൻപ് കേരളത്തിൽ എത്തിയ ബുദിൻ വടക്കൻ മൈനാഗപ്പള്ളി സ്വദേശി സെയ്ദിന്റെ പാലത്തറയിൽ സിമന്റ് ബ്രിക്സ് കമ്പനിയിലാണ് 3 വർഷമായി ജോലി ചെയ്യുന്നത്. പതിവായി ലോട്ടറി എടുക്കാറുണ്ട്.