ന്യൂയോർക്ക്: പടിഞ്ഞാറൻ അമേരിക്കയിലെ ഹവായ് ദ്വീപ് സമൂഹത്തിന്റെ ഭാ​ഗമായ മൗഇ ദ്വീപിൽ വൻ കാട്ടതീ. അപകടത്തിൽ 36 പേർ മരിച്ചു. ജീവൻ രക്ഷിക്കാൻ നിരവധി പേർ പസഫിക് സമുദ്രത്തിലേക്ക് ചാടി. റിസോർട്ട് ന​ഗരമായ ലഹായിനയിലാണു തീ പടർന്നു പിടിച്ചത്. 

കടലിൽ ചാടിയ പലരേയും കോസ്റ്റ് ​ഗാർഡ് രക്ഷപ്പെടുത്തി. ​ഗുരുതരമായി പരിക്കേറ്റ 20ഓളം പേരെ വിമാന മാർ​ഗം ആശുപത്രിയിലേക്ക് മാറ്റി. 

ന​ഗരത്തിനു സമീപത്തായി വീശിയടിച്ച ചുഴലിക്കാറ്റ് കാട്ടുതീ പടർന്നുപിടിക്കാൻ കാരണമായി. ടൂറിസ്റ്റ് കേന്ദ്രമായ ലഹായിനയിൽ അടുത്തടുത്തായി നൂറുകണക്കിനു വീടുകളും വലിയ ​ഹോട്ടലുകളുമുണ്ട്. ഇവയിൽ മിക്കതും അ​ഗ്നിക്കിരയായി. 

തീ പിടിച്ചതിനു പിന്നാലെ 11,000 ടൂറിസ്റ്റുകളെ ദ്വീപിൽ നിന്നു ഒഴിപ്പിച്ചതായി അധികൃതർ വ്യക്തമാക്കി. ദ്വീപിന്റെ പടിഞ്ഞാറു ഭാ​ഗത്തെ പല സ്ഥലങ്ങളും പൂർമായും കത്തി നശിച്ച അവസ്ഥയിലാണ്. ചൊവ്വാഴ്ച രാത്രിയാണ് കാട്ടുതീ പടരാൻ തുടങ്ങിയത്. ആയിരം ഏക്കറോളം സ്ഥലമാണ് കാട്ടു തീയിൽ കത്തി നശിച്ചത്.

ഈ വാര്‍ത്ത കൂടി വായിക്കൂ

വരുന്നു സൂര്യനില്‍ നിന്ന് തീജ്വാലകള്‍, റേഡിയോ തരംഗങ്ങളെ ബാധിച്ചേക്കും; മുന്നറിയിപ്പ് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ