ദുബൈയിൽ ഈ ചൂടുകാലത്ത് തൊഴിലാളികളുടെ ആരോഗ്യവും തൊഴിൽ അന്തരീക്ഷവുമൊക്കെ തണുപ്പിക്കാൻ വിവിധ പദ്ധതികളാണ് സർക്കാർ ആവിഷ്കരിച്ചിരിക്കുന്നത്. സൂര്യ പ്രകാശം നേരിട്ട് ഏൽക്കുന്ന തരത്തിലുള്ള പുറം ജോലികൾ ചെയ്യുന്ന തൊഴിലാളികൾക്ക് ഉച്ചക്ക് 12:30 മുതൽ 3:00 മണി വരെ ഉച്ച വിശ്രമം അനുവദിച്ചിരുന്നു.

ഈ സമയത്ത് അടിയന്തര ഘട്ടങ്ങളിൽ അല്ലാതെ ഏതെങ്കിലും തൊഴിലാളികൾ ജോലി ചെയ്യുന്നത് ശ്രദ്ധയിൽപ്പെട്ടാൽ 50000 ദിർഹം വരെ കമ്പനികൾക്ക് പിഴ ചുമത്തുമെന്നും സർക്കാർ അറിയിച്ചിരുന്നു. സമാനമായ രീതിയിൽ പൊതു മേഖലയിലും നീക്കം നടത്തിയിരിക്കുമായാണ് ദുബൈ (Dubai) ഭരണകൂടം.

ഇ​ത്തി​ഹാ​ദ് എ​യ​ര്‍വേസിൽ 1500 ലേറെ തൊഴിലവസരങ്ങൾ തുറക്കുന്നു

ജൂലൈ ഒന്ന് മുതൽ പൊതുമേഖലയിൽ ജോലി ചെയ്യുന്ന ജീവനക്കാരെ രണ്ടായി തരം തിരിക്കും. ഇതിൽ ആദ്യത്തെ സംഘം തിങ്കൾ മുതൽ വ്യാഴം വരെ 8 മണിക്കൂർ ജോലി ചെയ്യണം.

വെള്ളിയാഴ്ച്ച അവധി ആയിരിക്കും. രണ്ടാമത്തെ സംഘം തിങ്കൾ മുതൽ വ്യാഴം വരെ 7 മണിക്കൂർ ജോലി എടുത്താൽ മതി. ഒപ്പം ഈ ഗ്രൂപ്പ് വെള്ളിയാഴ്ച പകുതി ദിവസം ജോലി ചെയ്യണം. സെപ്റ്റംബർ 12 വരെ ഈ രീതി തുടരുമെന്ന് സർക്കാർ അറിയിച്ചു.

ജീവനക്കാരുടെ ജീവിത നിലവാരം മെച്ചപ്പെടുത്താനും, ജോലി സമ്മർദ്ദം ഒഴിവാക്കാനും ഇതിലൂടെ സാധിക്കുമെന്നാണ് ദുബൈ മാനവ വിഭവശേഷി ഡയറക്ടർ ജനറൽ അബ്ദുല്ല അൽ ഫലാസി പറഞ്ഞു.

ഇന്നത്തെ ബഹ്‌റൈൻ - കോഴിക്കോട് എയർ ഇന്ത്യ എക്സ്പ്രസ്സ്‌ സർവീസ് റദ്ദാക്കി

2024ലും സമാനമായ രീതിയിൽ ഡ്യൂട്ടി ഷിഫ്റ്റുകൾക് പുനഃക്രമീകരിച്ചിരുന്നു. അതിനു ശേഷം ജീവനക്കാർക്കിടയിൽ ഒരു സർവേ നടത്തിയിരുന്നു. അതിൽ 98 ശതമാനം ആളുകളും ഡ്യൂട്ടി ഷിഫ്റ്റുകൾ പരിഷ്ക്കരിച്ച നടപടിയെ അനുകൂലിച്ചിരുന്നു. അത് കൊണ്ടാണ് ഈ വർഷവും സമാനമായ രീതിയിൽ ഷിഫ്റ്റുകൾ പുനഃക്രമീകരിക്കാൻ സർക്കാർ തീരുമാനിച്ചത്.

2400 മണിക്കൂർ ജോലി 700 ആയി കുറയും; ദുബൈ മെട്രോയിൽ 70% ജീവനക്കാരുടെ ജോലി ഇനി ഈ സംവിധാനം ചെയ്യും (വിഡിയോ കാണാം )