Israeli Prime Minister Benjamin Netanyahu and other Israeli lawmakers attend a parliamentary session PTI
World

ഇസ്രായേൽ പാർലമെന്റ് പുതിയ സ്പീക്കറെ തെരഞ്ഞെടുത്തു; നെതന്യാഹുവിനെതിരെ പ്രതിപക്ഷ നീക്കം ശക്തം

ഗാഡി ഐസൻകോട്ടിന്റെ അടുത്ത സഖ്യകക്ഷിയാണ് പുതിയ സ്പീക്കറായ മാറ്റൻ കഹാന.

Author : സമകാലിക മലയാളം ഡെസ്ക്
Edited By : Damodaran K

ജറുസലേം: ഇസ്രായേൽ പാർലമെന്റിൽ പുതിയ സ്പീക്കറായി മാറ്റൻ കഹാനയെ തെരഞ്ഞെടുത്തു. പ്രധാനമന്ത്രി ബെഞ്ചമിൻ നെതന്യാഹുവിന്റെ നേതൃത്വത്തിലുള്ള മുൻ സർക്കാരിന്റെ നയങ്ങൾ തിരുത്താനും പുതിയ സർക്കാർ രൂപീകരിക്കാനുമുള്ള പ്രതിപക്ഷത്തിന്റെ നിർണായക നീക്കത്തിൽ വലിയ മുന്നേറ്റമായാണ് ഇത് വിലയിരുത്തപ്പെടുന്നത്. നെതന്യാഹുവിനെതിരെ പുതിയ സർക്കാർ രൂപീകരിക്കാൻ ശ്രമിക്കുന്ന ഗാഡി ഐസൻകോട്ടിന്റെ അടുത്ത സഖ്യകക്ഷിയാണ് പുതിയ സ്പീക്കറായ മാറ്റൻ കഹാന.

120 അംഗ പാർലമെന്റിൽ 66 വോട്ടുകൾ നേടിയാണ് കഹാന സ്പീക്കർ സ്ഥാനത്തേക്ക് തെരഞ്ഞെടുക്കപ്പെട്ടത്. ജൂത വിഭാഗത്തിൽപ്പെട്ട പ്രതിപക്ഷ കക്ഷികളും അറബ് നേതൃത്വത്തിലുള്ള പാർട്ടികളും അദ്ദേഹത്തിന് പിന്തുണ നൽകി. ഏഴ് മണിക്കൂർ നീണ്ട വാദപ്രതിവാദങ്ങൾക്കൊടുവിൽ നെതന്യാഹുവിന്റെ പക്ഷം പിന്തുണച്ച ഒഫിർ കാറ്റ്സിന് 52 വോട്ടുകൾ മാത്രമാണ് ലഭിച്ചത്. ഒക്ടോബർ 27-ന് നടന്ന പാർലമെന്റ് തെരഞ്ഞെടുപ്പിൽ നെതന്യാഹുവിനും സഖ്യകക്ഷികൾക്കും ഭൂരിപക്ഷം നഷ്ടപ്പെട്ടിരുന്നു. തുടർന്ന് ഇസ്രായേൽ പ്രസിഡന്റ് ഗാഡി ഐസൻകോട്ടിനെ പുതിയ സർക്കാർ രൂപീകരിക്കാൻ ചുമതലപ്പെടുത്തുകയായിരുന്നു.

സഖ്യ സർക്കാർ രൂപീകരിക്കുന്നതിനായി ഐസൻകോട്ടിന് അഞ്ച് ആഴ്ച കൂടി സമയമുണ്ട്. അതുവരെ പാർലമെന്റിൽ തങ്ങളുടെ ഭൂരിപക്ഷം ഉപയോഗിച്ച് പ്രധാനപ്പെട്ട നിയമനിർമ്മാണങ്ങളുമായി മുന്നോട്ട് പോകാനാണ് നെതന്യാഹു വിരുദ്ധ ചേരിയൂടെ നീക്കം. പ്രധാനമന്ത്രിയുടെ പദവിക്ക് കാലാവധി പരിധി ഏർപ്പെടുത്തുക, 2023 ഒക്ടോബർ 7 ലെ ഹമാസ് ആക്രമണത്തെക്കുറിച്ച് അന്വേഷണം നടത്തുക, ജുഡീഷ്യറിയുടെ അധികാരങ്ങൾ വെട്ടിക്കുറച്ച നിയമങ്ങൾ പിൻവലിക്കുക തുടങ്ങിയ നിരവധി ബില്ലുകൾ അവതരിപ്പിച്ച് സഭയുടെ അംഗീകാരം നേടിയെടുക്കുകയാണ് ലക്ഷ്യം. സ്പീക്കർ പദവി ലഭിച്ചതിലൂടെ നിർണായകമായ മേധാവിത്വം സ്വന്തമാക്കാൻ ഐസൻകോട്ടിന് കഴിഞ്ഞതായാണ് വിലയിരുത്തൽ.

The Israeli parliament has elected Matan Kahana as its new speaker, marking a crucial step for the opposition bloc led by Gadi Eisenkot as they attempt to form a new government and roll back Benjamin Netanyahu's policies.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

ഒരു ദുര്‍ബല നിമിഷത്തില്‍ പിഎം ശ്രീയില്‍ ഒപ്പിട്ടുപോയി; ചെയ്തത് ശരിയായില്ലെന്ന് ടിപി രാമകൃഷ്ണന്‍

യുപിഐയില്‍ അബദ്ധത്തില്‍ ആളുമാറി പണം അയച്ചോ?, തിരികെ കിട്ടാന്‍ നിരവധി വഴികള്‍; വിശദാംശങ്ങള്‍

ദുബൈയില്‍ സ്വര്‍ണവില ഈ വര്‍ഷത്തെ ഏറ്റവും താഴ്ന്ന നിലയില്‍

ഭക്ഷണം വേഗത്തിൽ കഴിക്കുന്ന ശീലമുണ്ടോ? ആരോഗ്യത്തെ ബാധിക്കുന്ന 6 പ്രശ്നങ്ങൾ

ചീഫ് ജസ്റ്റിസിനെതിരെ അധിക്ഷേപ പരാമർശം; അഭിഭാഷകന് കോടതിയലക്ഷ്യ നോട്ടീസ് അയച്ച് സുപ്രീം കോടതി