ലണ്ടന്: ജോണ്സണ് ആന്ഡ് ജോണ്സണ് നിര്മ്മിച്ച ഒറ്റ ഡോസ് കൊവിഡ് വാക്സിന് ബ്രിട്ടന് അനുമതി നൽകി. ബ്രിട്ടൻ അനുമതി നൽകുന്ന നാലാമത്തെ കോവിഡ് വാക്സിനാണിത്. ഫൈസര്, ആസ്ട്ര സെനക, മൊഡേണ വാക്സിനുകളാണ് ഇതിനു മുൻപ് രാജ്യത്ത് അനുമതി ലഭിച്ചിരുന്നു. മെഡിസിന്സ് ആന്ഡ് ഹെല്ത്ത്കെയര് പ്രൊഡക്ട്സ് റെഗുലേറ്ററി ഏജന്സിയാണ് ജോണ്സണ് ആന്ഡ് ജോണ്സന്റെ ഒറ്റ ഡോസ് വാക്സിന് അനുമതി നല്കിയത്.
മെഡിസിന്സ് ആന്ഡ് ഹെല്ത്ത്കെയര് പ്രൊഡക്ട്സ് റെഗുലേറ്ററി ഏജന്സിയാണ് ജോണ്സണ് ആന്ഡ് ജോണ്സന്റെ ഒറ്റ ഡോസ് വാക്സിന് അനുമതി നല്കിയത്. ഇതോടെ രാജ്യത്തെ വാക്സിനേഷന് വേഗത്തിലാകുമെന്നും വൈകാതെ പഴയ സ്ഥിതിയിലേക്ക് എത്താമെന്നുമാണ് കണക്കുകൂട്ടല്. ഒറ്റ ഡോസ് വാക്സീനെ പ്രധാനമന്ത്രി ബോറിസ് ജോണ്സണ് സ്വാഗതം ചെയ്തു. കൊറോണവൈറസില്നിന്ന് ജനങ്ങളെ സംരക്ഷിക്കാന് ഒറ്റ ഡോസ് വാക്സീന് ഗുണം ചെയ്യുമെന്നും എല്ലാവരും വാക്സിനെടുക്കണമെന്നും അദ്ദേഹം പറഞ്ഞു.
20 ദശലക്ഷം വാക്സീനാണ് ബ്രിട്ടന് ഓര്ഡര് നല്കിയത്. വൈറസിനെതിരെ ജോണ്സണ് ആന്ഡ് ജോണ്സണ് ഒറ്റ ഡോസ് വാക്സീന് 72 ശതമാനം ഫലപ്രദമാണെന്ന് പരീക്ഷണത്തില് തെളിഞ്ഞിരുന്നു. എന്നാല് ഈ വാക്സീന് സ്വീകരിക്കുന്നവരില് രക്തം കട്ടപിടിക്കുന്നതിനും പ്ലേറ്റ്ലറ്റ് കുറയുന്നതിനും കാരണമാകുമെന്ന് മുന്നറിയിപ്പ് നല്കണമെന്ന് യൂറോപ്യന് മെഡിസിന്സ് ഏജന്സി നിര്ദേശം നല്കി. ഫൈസര്, ആസ്ട്ര സെനക വാക്സീനുകളാണ് ബ്രിട്ടനില് കൂടുതല് ഉപയോഗിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates