വാഷിങ്ടണ്‍: കൊറോണ വൈറസിന്റെ പുതിയ വകഭേദമായ ഒമൈക്രോണ്‍ ബാധിച്ച് ആദ്യ മരണം യുഎസില്‍ റിപ്പോര്‍ട്ട് ചെയ്തു. ടെക്‌സസിലാണ് അന്‍പതുകാരന്‍ മരിച്ചത്. വാക്‌സിന്‍ എടുക്കാത്തയാളാണ് മരിച്ചതെന്ന് ഹാരിസ് കൗണ്ടി പബ്ലിക് ഹെല്‍ത്ത് അറിയിച്ചു.

നേരത്തെ ഒരു തവണ കോവിഡ് വന്നയാളാണ് ഇദ്ദേഹം. യുഎസിലെ റിപ്പോര്‍ട്ട് ചെയ്യപ്പെട്ട ആദ്യ ഒമൈക്രോണ്‍ മരണമാണ് ഇതെന്ന് സിഎന്‍എന്‍ വാര്‍ത്തയില്‍ പറയുന്നു. 

വാക്‌സിന്‍ എടുക്കാത്തതാണ് ഇദ്ദേഹത്തില്‍ കോവിഡ് രൂക്ഷമാവാന്‍ കാരണമെന്നാണ് ഹാരിസ് കൗണ്ടി പബ്ലിക് ഹെല്‍ത്തിന്റെ വാര്‍ത്താക്കുറിപ്പില്‍ പറയുന്നത്. 

അതിനിടെ യുഎസില്‍ ഒമൈക്രോണ്‍ വ്യാപനം രൂക്ഷമാവുകയാണെന്നാണ് റിപ്പോര്‍ട്ടുകള്‍. ഈയാഴ്ച റിപ്പോര്‍ട്ട് ചെയ്ത കോവിഡ് കേസുകളില്‍ 73 ശതമാനവും ഒമൈക്രോണ്‍ ആണ്. കഴിഞ്ഞയാഴ്ച ഇത് മൂന്നു ശമതാനം മാത്രമായിരുന്നു.