മെല്ബണ്: യാത്രക്കാരന് കോക്പിറ്റില് കയറി നിന്ന് ബോംബ് സ്ഫോടന ഭീഷണി ഉയര്ത്തിയതിനെത്തുടര്ന്ന് മലേഷ്യന് ജെറ്റ് വിമാനം മെല്ബണ് വിമാനത്താവളത്തില് തിരിച്ചിറക്കി. മെല്ബണില് നിന്ന് ക്വാലാലംപൂരിലേക്ക് പുറപ്പെട്ട എംഎച്ച് 118 വിമാനമാണ് അടിയന്തിര സാഹചര്യത്തില് തിരിച്ചിറക്കിയത്. പറന്നുയര്ന്ന് 30 മിനിറ്റുകള്ക്ക് ശേഷമാണ് നാടകീയ സംഭവങ്ങളുണ്ടായത്. ബോംബ് ഭീഷണി മുഴക്കിയ യാത്രക്കാരന്റെ മാനസിക നിലയില് പ്രശ്നങ്ങളുള്ളതായാണ് വിവരം.
ഒസ്ട്രേലിയക്കാരനെന്ന് തോന്നിക്കുന്ന യുവാവിനെ യാത്രക്കാര് സീറ്റില് പിടിച്ചുകെട്ടുകയായിരുന്നു. വിമാനം തിരിച്ചിറക്കിയ ഉടന്തന്നെ പോലീസെത്തി ഇയാളെ കസ്റ്റഡിയിലെടുത്തു. എന്റെ കയ്യില് ബോംബുണ്ട്, ഞാന് ഈ വിമാനം തകര്ക്കുമെന്നാണ് പ്രതി കോക്പിറ്റില് കയറി ആക്രോശിച്ചത്. എന്നാല് സംഭവത്തിനുപിന്നില് തീവ്രവാദ ബന്ധങ്ങളോ മറ്റോ ഇല്ലെന്നാണ് ഇപ്പോള് സ്ഥിരീകരിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates